Ikipe ya Gasogi United yamaze gutangaza ibiciro byo kwinjira mu mukino izakiramo Rayon Sports ku wa Gatandatu tariki 18 Gashyantare 2023. Itike ya make ni 3000 FRW.
Ni umukino w’umunsi wa 20 wa Shampiyona uzahuza amakipe yombi ukabera mu Bugesera guhera saa cyenda.
Gasogi United yatangaje ko kwinjira muri uyu mukino ari 3000 FRW, 5000 FRW na 15.000 FRW muri VVIP.
Gasogi United igiye gukina uyu mukino nyuma y’uko iheruka kunganya na Rutsiro 2-2 ku munsi wa 19 wa Shampiyona. Rayon Sports yo iheruka gutsinda APR FC 1-0.
Gasogi United izakira uyu mukino iri ku mwanya wa 3 n’amanota 36. Ni amanota inganya na Rayon Sports iri ku mwanya wa kane ariko Gasogi United ikaba izigamye ibitego 11 naho Rayon Sports ikazigama ibitego 10.
Urutonde rw’agateganyo
