Ikipe y’Abarinda umutekano wa Perezida Paul Kagame n’abandi bayobozi bakuru b’igihugu ’Republican Guard Rwanda’ (RG) banyagiye abo mu kigo cya gisirikare cya Gako 5-1 mu mikino ihuza abasirikare (RDF Inter-force competition Heroes Cup), bakatisha itike ya 1/4.
Hari mu mukino wabereye mu Bugesera kuri uyu wa Gatanu tariki 6 Mutarama 2023 mu Bugesera guhera saa yine z’amanywa.
Ibitego by’ Ikipe y’Abarinda umutekano wa Perezida Paul Kagame n’abandi bayobozi bakuru b’igihugu ’Republican Guard Rwanda’ byatsinzwe na Niyonkuru watsinzemo 2. Pierre , Magidi, Kazenga na Gasheja, buri umwe atsinda igitego kimwe.
Gutsinda uyu mukino byatumye iyi kipe ikomeza kuyobora itsinda n’amanota 9 ikaba izigamye ibitego 9.
Ku wa mbere tariki 9 Mutarama 2023 bazakina umukino wa nyuma mu itsinda na Div 1. Ni umukino utazahindura byinshi kuko RG yamaze kubona itike ya 1/4 y’iyi mikino.
Aya marushanwa yatangiye tariki 7 Ukuboza 2022. Azasozwa tariki 31 Mutarama 2023.
Ni ku nshuro ya Gatandatu amarushanwa nk’aya abayeho. Abarushanwa bahatana mu kurasa, umupira w’amaguru, Basketball, volleyball, handball, netball no kwiruka ku maguru.
11 ab’i Gako babanje mu kibuga
11 ’Republican Guard Rwanda’ (RG) yabanje mu kibuga
Wari umukino urimo imbaraga
Bishimiye ibitego bararuha
Abafana ba RG nabo bari babucyeye, nayo ntiyabasebya
Abatoza ba RG bitegereza uko umukino uri kugenda
