Uganda: Birakekwa ko Ebola imaze kwica ‘abantu 21’

Minisiteri y’ubuzima ya Uganda yatangaje ko bishoboka ko Ebola imaze kwica abantu 21, abo barimo bane byemejwe neza ko ariyo yabishe na 17 bagikeka ko ari yo yabahitanye.

Iyi ndwara yatangajwe muri iki gihugu kuwa kabiri w’icyumweru gishize bikekwa ko abamaze kuyandura bose ari 34; barimo 16 byemejwe neza na 18 bagikekwa, nk’uko iyi minisiteri ibivuga.

Iyi ndwara iracyiganje mu karere ka Mubende, gusa yabonetse no mu gace ka Kygegegwa na Kassanda, iyi minisitier ivuga ko itaraboneka mu murwa mukuru Kampala.

Kugeza ubu ibihugu byo mu karere bituranye na Uganda byafashe ingamba zo kwirinda ko iki cyorezo cyabigeraho.

Leta y’u Rwanda yagiriye inama abaturage kwirinda kujya muri iki gihugu muri iki gihe kivugamo iyi ndwara.

Ishami rya ONU ryita ku buzima, OMS, rivuga ko ubwoko bwa Ebola buzwi nka Sudan burimo kuboneka muri Uganda butandura cyane kandi butica bikabije, ugereranyije n’ubwoko bwiswe Ebola Zaire bwabonetse hambere.

Ubu bwoko bwo bwishe abantu 2,000 muri DR Congo hagati ya 2018 na 2020.

BBC

IZINDI NKURU
Ibitekerezo(0)
Tanga Igitekerezo