Imyitwarire abakobwa n’abagore bagomba kwirinda bari mu mihango. Igice cya II

Igihe cy’imihango ni kimwe mu bihe bikomerera kandi bikagora abagore n’abakobwa. Imisemburo niyo iba iyobora icyo gihe ari nayo mpamvu abagore bamwe bananirwa kwiyumanganya ngo bahangane n’ibihe baba barimo.

Ni ibihe abagore badahuza kuko kuri bamwe kibabera igihe cy’uburibwe bukomeye ndetse n’umunaniro ukabije, mu gihe abandi baribwa mu kiziba cy’inda, bakaruka ndetse bakarwara umutwe cyane.

Kugira ngo umugore cyangwa umukobwa abashe kwirinda kugorwa cyane n’igihe cy’imihango, hari imyitwarire agomba kwirinda nkuko urubuga Sante Plus Mag yabitangaje mu nkuru igira iti ’Ce que vous ne devez SURTOUT jamais faire pendant vos règles !’

Kutarya

Iyo uri mu gihe cy’imihango, umubiri ucika intege cyane kuko utakaza amaraso n’imbaraga nyinshi. Ushobora kugira uburibwe, gufatwa n’ibinya, ihindagurika ry’imisemburo bishobora no kugera ku kubura ubushake bwo kurya.

Mu gihe uri muri iki gihe, ni ngombwa ko ugerageza kurya indyo yuzuye, nta funguro na rimwe usimbutse ndetse ukanywa n’amazi kugira ngo wongere imbaraga z’umubiri wawe.

Kudakora imyitozo ngororamubiri ikomeye

Iyo umukobwa cyangwa umugore ari mu mihango, inda ye isa nibyimba kurushaho ariko ntabwo kiba ari ikimenyetso cy’uko yabyibushye kuko iyo imihango irangiye ubona isubiye uko yahoze.

Niba ubona inda yawe ihinduye imiterere, si ngombwa ko utangira gukora imyitozo ikomeye cyane . Bishobora kongera uburibwe haba mu nda ndetse no mu mugongo.

Kwirinda ibiryo bya ’fast-foods’

Iyo uri mu mihano, kurya ibiryo bya ‘fast-foods’ na za chocolat uba wumva ari ibisanzwe. Ariko icyo ukwiriye kumenya ni uko ‘fast-foods’ zigira ingaruka mbi ku buzima bwawe igihe uri mu mihango.

Ugirwa inama yo kwirinda ibiribwa birimo isukari nyinshi nka chocolat ndetse n’amafiriti

Gukora umunsi wose

Iminsi ya mbere uri mu mihango ishobora kukugora cyane bikaba ngombwa ko ufata igihe cyo kuruhuka. Bijya bibaho ko abagore ndetse n’abakobwa babura uko basiba akazi mu gihe bari mu mihango ariko umugore cyangwa umukobwa uri mu mihango aba agomba kugira igihe cyo kuruhuka mu gihe ari mu kazi, akanongera kuruhuka avuye mu kazi.

Ku bakobwa cyangwa abagore bagira imihango ibabaza cyane, birabagora kujya mu kazi cyangwa se banajyayo, bikabagora gutekereza neza ibijyanye nako.

Niba uri muri iki cyiciro , ugirwa inama yo kutagira isoni zo gusaba uruhushya kugira ngo umubiri wawe ubashe kwihanganira imihindagurikirre y’imisemburo iba iri kuba.

Gutinda kuryama

Mu gihe cy’imihango, umubiri wawe ugira ububabare n’imihindagurike y’imisemburo, niyo mpamvu ugomba kuwuha ikiruhuko. Uko uryamye kare niko urushaho kumererwa neza. Ni byiza ko uryama wumva umuziki utuje, ugahumya amaso, ukaruhuka. Ibitotsi bizagufasha kugarura imbaraga z’umubiri.

Kubyuka kandi ufite umunabi

Niba ubyutse ufite umunabi, sibyiza ko ubyuka kuko ntawabasha kwihanganira uwo munabi mu bantu muri buhure ari nayo mpamvu ugirwa inama yo gukomeza kuryama, kugeza wumvise umunabi ushize, umubiri ukagarura n’imbaraga.

Gutekereza cyane kandi igihe kirekire

Indi nama ugirwa ni ukudatekereza cyane kuko binaniza ubwonko. Ku munsi wa mbere w’imihango yawe , uba ugomba kutagira icyo ukora. Usabwa kuruhuka cyane kugira ngo umubiri ugarure imbaraga usanganywe.

Niba hari ikibazo cyangwa uburwayi ushaka ko tuzakubariza muganga, wohereza ubutumwa bwawe kuri [email protected]

Inkuru bijyanye:

Imyitwarire abakobwa n’abagore bagomba kwirinda bari mu mihango. Igice cya I