Abakobwa 6 nibo batoranyijwe kuzahagararira Intara y’i Burengerazuba muri Miss Rwanda 2018.
Ni igikorwa cyabaye kuri iki Cyumweru tariki 14 Mutarama 2018. Hakomeje amajonjora y’ibanze mu guhitamo abazahatana muri Miss Rwanda 2018. Ijonjora rya 2 ryabereye mu Ntara y’i Burengerazuba, mu Karere ka Rubavu. Ni igikorwa cyabereye kuri Hill View Hotel.
Mu bakobwa 10 biyandikishije mu Ntara y’i Burengerazuba, 7 nibo bari bujuje ibisabwa kugira ngo umukobwa ahatane muri Miss Rwanda 2018.
Kuri uyu wa Gatandatu tariki 13 Mutarama 2017 nibwo hari hatangiye ijinjora ry’ibanze ryabereye mu Karere ka Musanze. Abakobwa 6 nibo batsindiye kuzahagararira Intara y’Amajyaruguru.
7 bemerewe guhatana mu Ntara y’i Burengerazuba ni:
Gacukuzi Belyse afite ibiro 54 na metero 1.70
Isimbi Chanelle afite ibiro 60 na metero 1.75
Neema Nina afite ibiro 54 na metero 1.71
Uwase Fiona afite ibiro 55 na metero 1.70
Umukundwa Divine afite ibiro 57 na metero 1.78
Iradukunda Liliane afite ibiro 57 na metero 1.70
Uwimbabazi Alliance afite ibiro 60 na metero 1.70
Aba bakobwa uko ari 7 bose bagiye basubiza ibibazo binyuranye babajijwe na Isheja Sandrine, Rwabigwi Gilbert na Dr Higiro Jean Pierre bagize akanama nkemurampaka.
Gacukuzi Belyse wasubije ku mwanya wa 2 yavuze ko azashyira imbere kurwanya ibiyobyabwenge abinyujije mu itangazamakuru.
Uwitwa Iradukunda Liliane yavuze ko ikintu cy’ibanze azashyira imbere naramuka atowe ari ukuzateza imbere ibikorerwa mu Rwanda ’Made in Rwanda Products’.
Abajijwe icyo yumva yifuza kugeraho mu gihe kizaza, Isimbi Shanel yasubije ko azaharanira kuba rwiyemezamirimo uzwi na bose.
Babanzaga kubapima bakareba ko bujuje ibisabwa
Ababyujuje bakabambika numero bari bwambare bahatana
Miss Rwanda 2017, Iradukunda Elsa na we yari ahari
Abagize akanama nkemurampaka
Andrew Kareba niwe wari MC
Uwimbabazi Alliance
Gacukuzi Belyse asubiza ibibazo by’abagize akanama nkemurampaka
Neema Nina
Iradukunda Liliane asubiza ibibazo
Iyo abakemurampaka banyuzwe n’ibisubizo, bazamura ’Yes’. Liliane ni umwe mu bahawe Yes uko ari 3 z’abagize akanama nkemurampaka
Isimbi Shanel
Uwase Fiona
Umukundwa Divine asubiza ibibazo by’abagize akanama nkemurampaka
Nyuma abakobwa bose bamaze kubazwa , abagize akanama nkemurampaka bajya mu mwiherero.
Abagize akanama nkemurampaka ubwo bagarukaga baje gutangaza abakobwa batsinze basabye ko habanza kugarurwa abakobwa babiri uwitwa Iradukunda Liliane na Umukundwa Divine ngo kuko batari banyuzwe nibyo basubije mbere. Ibi babikoze mu buryo bwo kugirango banzure uvamo ndetse n’ uwo gukomeza.
Babajijwe ku bibazo bijyanye na Miss Rwanda 2018 ndetse no ku Ntara y’i Burengerazuba.
Iradukunda Liliane na Umukundwa Divine basubirishijwemo ibazwa
Nyuma nibwo hatangajwe 6 bazahagarira Intara y’i Burengerazuba aribo :Mu ntara y’ i Burengerazuba hakomeje abakobwa 6 aribo Uwimbabazi Alliance, Iradukunda Liliane, Neema Nina, Isimbi Shanel, Uwase Fiona na Gacukuzi Belyse. Umukundwa Divine niwe utabashije gukomeza.
Abakomeje baganira n’itangazamakuru...ibyishimo byari byose
Photo:Lucman Mahoro
