Arsenal ibona miliyoni 50£ binyuze mu bafatanyabikorwa yambara ku myambaro yayo barimo Visit Rwanda, iri mu makipe ane ya mbere yinjiza agatubutse muri Shampiyona y’Icyiciro cya Mbere mu Bwongereza, Premier League.
Muri uyu mwaka w’imikino wa 2022/23, amakipe 20 akina muri Premier League yabonye isoko riyinjiriza agera kuri miliyoni 360£ ku myambaro ndetse n’andi miliyoni 102,5£ ku bafatanyabikorwa yambara ku maboko.
Manchester City ni yo kipe kuri ubu ifite umufatanyabikorwa utanga amafaranga menshi ku mwambaro wayo (shirt sponsorship) kuko ihabwa miliyoni 50£ na Etihad Airways mu gihe United ihabwa miliyoni 47£ na TeamViewer.
Manchester United (DXC) na Chelsea (AmberGroup) zihabwa miliyoni 20£ ni zo kipe zinjiza amafaranga menshi binyuze ku baterankunga bamamariza ku maboko (sleeve sponsorship).
Arsenal ihabwa miliyoni 10£ na Visit Rwanda ni iya kane mu makipe yinjiza amafaranga menshi ya “Sleeve Sponsorship” iyanganya na Tottenham, ariko zombi zikaza inyuma ya Manchester City ibona miliyoni 12£.
Nottingham Forest yazamutse muri uyu mwaka w’imikino ntiratangaza abaterankunga bayo ariko bivugwa ko bashobora kugeza kuri miliyoni 10£.
Uko amakipe yo muri Premier League yinjiza binyuze mu baterankunga yamamariza ku myambaro yayo:
