Uwahoze ari Perezida wa Rayon Sports, Munyakazi Sadate, yavuze ko ashimishijwe n’uko urugamba yatangije rwo gusaba uruganda rwa SKOL kongera ibyo rugenera iyi kipe rwatanze umusaruro.
Yabivuze binyuze mu butumwa yashyize kuri Twitter nyuma y’uko Ikipe ya Rayon Sports n’umuterankunga wayo mukuru, uruganda rwa SKOL, byavuguruye amasezerano byari bifitanye kuri ubu hakaba hari afite agaciro k’asaga miliyari 1 Frw kugeza mu 2026.
Munyakazi Sadate wayoboye Rayon Sports hagati ya Nyakanga 2019 na Nzeri 2020, yavuye ku buyobozi agisaba ko SKOL yahaga iyi kipe miliyoni 66 Frw ku mwaka, yakongera agaciro k’ibyo yayigeneraga kuva mu 2017 ubwo amasezerano yaherukaga kuvugururwa.
Mu butumwa yashyize kuri Twitter kuri iki Cyumweru, tariki ya 10 Nyakanga 2022, yagize ati “Byasabye intambara nyinshi n’amabaruwa uruhuri (16) ngo DG Ivan [Wulffaert uyobora uruganda rwa SKOL] wumve agaciro ka Rayon Sports. Warabinyangiye cyane, uca hirya no hino (Aba-Rayon, FERWAFA, MINISPORTS na RGB), gusa icyiza ni uko umusaruro wa nyuma ubaye icyo naharaniraga, nashakaga inyungu za Rayon ntabwo zari izanjye.”
Yakomeje agira ati “Ibaruwa ya nyuma nakwandikiye nakubwiye ko ’Sponsorship’ nshobora kwemera itajya munsi ya miliyoni 350 Frw, uyu munsi iyo baruwa ibonye agaciro kayo. Ndagushimiye cyane. Aba-Rayon mumenye ko agaciro gaharanirwa kandi kakagira ikiguzi n’ibitambo.”
Ibaruwa ya nyuma nakwandikiye nakubwiye ko Sponsors nshobora kwemera itajya munsi ya 350 Millions uno munsi iyo baruwa ibonye agaciro kayo, ndagushimiye cyane. Aba #RAYON mu menye ko agaciro gaharanirwa kandi kakagira ikiguzi n'ibitambo.
— Munyakazi Sadate (@SadateMunyakazi) July 10, 2022
Aya magambo ya Munyakazi Sadate yavugishije abatari bake aho bamwe bamushimiye kuri iyo ntambara yarwanye n’icyerekezo yari afite mu gihe hari n’abavuze ko ntacyo yigeze ageza kuri Rayon Sports mu mezi 14 yayibereye umuyobozi.
Ntabwo ndi umufana wa #RayonSport Arko rwose Bwana Sadate naragukundaga bitewe na vision warufitiye ikipe yawe . Keep up the spirit
— Daniel Tuyishime (@danytuyishime20) July 10, 2022
Warakoze, ariko iyo umugabo atangiye kwivuga ibigwi ataretse ngo abandi abe aribo babimuvuga, hari ubwo message ye itanga indi message.
Icyiza ni uko uzi ko wakoze, niba abantu batarabihaye agaciro Imana yo irabyibuka.#kwivugaImyato!!!— HAKIZIMANA Valens (@Gikundirovalens) July 10, 2022
Erega na 1b kuri season byashoboka ariko tubanje kwigira, sinzi igihe abarayon twese tuzashobora guhuza ubushobozi ngo nibura tujye twishakamo amaf yatunga ikipe kuri season ndetse tukaba tuyafite mbere yuko itangira ubundi ngo murebeko ibintu byose bidakunda
— Emmanuel KUBWIMANA (@ekubwimana16) July 10, 2022
Sadate we ntukivuge ibirwi sibyiza aho wayishize turahazi gusa Allah azaguhembe nabakohereje
— Sans Paler Patrick (@PalerSans) July 10, 2022
President warakoze cyane icyo washakaga turimo tubibona knd twizeyeko next uzagaruka kutuyobora
— Rukundo Jean Paul (@RukundoJeanPa13) July 10, 2022
Ark sayidate aba avuga iki nkaburiya??nazibe aho yayigejeje twarahabonye
— one (@CelestinIshimwe) July 10, 2022
Wa mugabo we uravuga cyane 😃😀
— Manirakiza viateur (@Manirakizaviat4) July 10, 2022
Ubundi abagabo nkawe nibo isi ikeneye. Buriya ukuri kuratinda Ariko kukagaragara. Komeza utere imbere. Allah akomeze kuguha imigisha.
— Hahirwabasenga Jean d Amour 🇷🇼 (@hahirwabasenga) July 10, 2022
naherey kare mbambwira nti @SadateMunyakazi watunze @rayon muribihe bya COVID-19 arakagira amashyo namashyongore Imana Izamwihembere Rwose @brother biragoy gusobanura ukuri ariko nyuma kurisobanura @ ujye wirara uvuge uti @SadateMunyakazi ndumugabo Amen
— Who&Where💕 (@Imfura_rw) July 10, 2022
Njya mbivuga ko aho @SadateMunyakazi yashakaga kuganisha Rayon harashoboka. Ibyo wakoraga abareba babonaga ko hashoboka ariko aba Rayon bagize ikibazo cyo kutihangana. Nibindi bizakorwa
— UMUHUNGU W'INKUBAGANYI (@inkubaganyi13) July 10, 2022
Inkuru bifitanye isano: Rayon Sports na SKOL byasinyanye amasezerano afite agaciro k’asaga miliyari 1 Frw
