Imikino

Zonic Tigers CC yageze ku mukino wa nyuma w’Irushanwa “Dafabet RCA T20 League 2022”

Mu mpera z’icyumweru gishize ni bwo hakinwe Umunsi wa gatanu w’irushanwa rya Cricket "DAFABET RCA T20 TOURNAMENT 2022" ubanziriza uwa nyuma, wasize Zonic Tigers CC itegereje ikipe zizahatanira igikombe.

Ku wa Gatandatu, tariki ya 24 Nzeri 2022, habaye umukino umwe wahuje Zonic Tigers na Kutchi Tigers.

Zonic Tigers ni yo yatsinze tombola, ihitamo gutangira itera udupira ibizwi nka "Bowling".

Kutchi Tigers yatangiye ikubita udupira ibizwi nka "Batting" maze ishyiraho amanota 124 muri Overs 16 n’udupira dudatu, abakinnyi bayo bose basohowe n’ikipe ya Zonic Tigers (All out Wickets).

Zonic Tigers yatsinze uyu mukino ku kinyuranyo cya Wickets 3 nyuma yo gushyiraho amanota 127 muri Overs 18. Kutchi Tigers yasohoye abakinnyi barindwi ba Zonic Tigers.

Ntwari Steven wa Zonic Tigers ni we wabaye umukinnyi mwiza w’umukino.

Bukeye bwaho, ku Cyumweru, Zonic Tigers CC yakinnye na Challengers CC ndetse yongera gutsinda tombola, ihitamo gutangira ijugunya udupira "Bowling".

Challengers yatangiye ikubita udupira "Batting", yashyizeho amanota 77 muri Overs 9 naho abakinnyi umunani bayo basohorwa mu kibuga n’aba ZonicTigers.

ZonicTigers yatsinze uyu mukino ku kiinyuranyo cya Wickets 9 kuko yabashije gukuraho ikinyuranyo cyari cyashyizweho na Challengers.

Yashyizeho amanota 77 muri Overs 7 n’udupira 2 naho umukinnyi wayo umwe aba ari we usohorwa mu kibuga na Challengers.

Akayezu Martin wa ZonicTigers ni we wabaye umukinnyi mwiza w’umukino.

Umukino wakurikiyeho wahuje Telugu Royals yakinaga na Spartans, iyi kipe ya mbere aba ari yo itsinda tombola, ihitamo kubanza gukubita udupira ibizwi nka "Batting".

Telugu yasoje igice cya mbere ishyizeho amanota 134 muri Overs 13, nta mukinnyi wayo wasohowe mu kibuga.

Kubera ikibazo cy’imvura nyinshi yaguye byabaye ngombwa ko hifashishwa DLS(Duckworth Lewis Stern Method) maze hemezwa ko Spartans igomba gushyiraho amanota 72 muri Overs 5.

Spartans ntibyigeze biyorohera kuko yashyizeho amanota 44 gusa,
Telugu Royals iba itsinze ku kinyuranyo cy’amanota 27.

Nyuma y’imikino imaze kuba, Zonic Tigers CC ni yo iyoboye urutonde n’amanota 8, ikurikiwe na Challengers CC n’amanota 6 inganya na Kigali CC iri ku mwanya wa 3.

Ku mwanya wa 4 hari ikipe ya Kutchi Tigers CC n’amanota 4 inganya Telugu Royals CC iri ku mwanya wa 5 naho ku mwanya wa nyuma wa 6 hari Spartans CC aho nta nota na rimwe ifite.

Iyi mikino ikazasozwa mu mpera z’icyi cyumweru aho ku wa Gatandatu hateganyijwe umukino uzahuza KCC na Telugu Royals.

Amakipe yombi azaba arigukina umukino wabo wa gatanu yishakamo igomba gusanga ZonicTigers ku mukino wanyuma uzaba ku Cyumweru, tariki ya 2 Ukwakira kuri Stade ya Gahanga.



Ahmed tawfek

Glimpse I had had of the Martians emerging from their planet, a kind glimpse I had had of the Martians emerging from the cylinder

TANGA IGITEKEREZO

Ibitekerezo