Nyuma y’umukino Rayon Sports yatsinzemo APR FC ikanayisatira ku rutonde rw’agateganyo, abafana ibihumbi ba Rayon Sports babyinnye intsinzi biratinda.
Ni umukino wabaye kuri uyu wa Gatandatu tariki 20 Mata 2019 wakirwa na Rayon Sports kuri stade Amahoro i Remera. Wari umukino w’umunsi wa 23 wa Shampiyona wari gutuma Rayon Sports iva ku guhatanira igikombe kuko yari guhita irushwa amanota 9 na mukeba APR FC. Umukino warangiye ari 1-0 cyatsinzwe na Michael Sarpong ku munota wa nyuma kuri penaliti yakorewe kuri Mugisha Gilbert.
Nyuma y’umukino, abafana benshi bazengurutse ’bus’ ya Rayon Sports bagenda bashimira buri mukinnyi uko binjiraga umwe umwe mu modoka y’iyi kipe. Bamwe barayiherekeje ku bwinshi isohoka muri Stade Amahoro, abandi benshi nanone bari bayitegerereje hanze ya Stade Amahoro.
Kuva i Remera igana ku Ruyenzi aho yagiye kwiyakirira, hari abamotari benshi bakomeje kuyiherekeza.
APR FC ubu niyo ikiyoboye urutonde rw’agateganyo n’amanota 54. Rayon Sports ya 2 ifite amanota 51 naho Mukura VS ni iya 3 n’amanota 48.
Ku munsi wa 24 wa shampiyona Rayon Sports izakirwa na AS Muhanga tariki ya 28 Mata, APR FC yakire Bugesera FC tariki ya 27 Mata 2019.
Urutonde rw’agateganyo
REBA UKO BYARI BYIFASHE NYUMA Y’UMUKINO
VIDEO: NIYITEGEKA Vedaste
######
hello, muduha amakuru meza kbsa turabashimira kdi mukomerezaho cyane cyane amafoto muyaduha ukagirango ni live, ariko ukosore italiki kuwagatandatu yari 20/04/2019 ntabwo yari 19/04/2019