Mushiki wa Neymar, Rafaella Santos, yishimiwe n’abamukurikira ku mbuga nkoranyambaga nyuma yo kubasangiza amafoto mashya ari mu bwato aho ari mu biruhuko i Ibiza.
Rafaella yashyize amafoto atandukanye kuri Instagram ye ari kota izuba kuri iki kirwa cyo muri Espagne.
Imwe muri aya mafoto y’uyu mukobwa w’imyaka 26, imugaragaza ari kurya inanasi, yicaye mu rufuro, mu bwato buhenze.
Iyi foto yanyuze cyane abagera kuri miliyoni 5,7 bamukurikira kuri uru rubuga nkoranyambaga.
Umwe muri bo yagize ati “Perfect” ashaka kuvuga ko ntacyo wamunenga, akurikizaho utumenyetso tubiri tw’umutima.
Undi yagize ati “Uri mwiza cyane” mu gihe undi yagize ati “Uraryoshye”.
Musaza wa Rafaella, Neymar ukinira Paris Saint-Germain, akunze gusiba imikino myinshi nyuma yo kwitabira isabukuru y’amavuko y’uyu mukobwa iba tariki ya 11 Werurwe.
The Sun ivuga ko yakoze imibare igasanga uyu mukinnyi w’Umunya-Brésil amaze gusiba imikino irindwi yakinwe nyuma y’isabukuru y’amavuko ya mushiki we kuva mu 2013.
Uyu mwaka ni bwo yinyaye mu isunzu kugira ngo abashe gukina umukino wo kwishyura wa 1/8 wahuje Paris Saint-Germain na Real Madrid, warangiye iyi kipe yo mu Bufaransa isezerewe.
Uku gusezererwa byatumye uyu mukinnyi wahoze akinira FC Barcelone, kimwe na mugenzi we Lionel Messi, bavumirwa ku gahera n’abafana ba PSG babavugirije induru ku mukino ukurikiyeho bakiniye kuri Parc des Princes.
Kuva icyo gihe, ahazaza ha Neymar i Paris hari mu rujujo ndetse hari amakuru avuga ko iyi kipe ishobora kumugurisha.
Gusa, mu masezerano harimo ingingo ivuga ko kuva tariki ya 1 Nyakanga, amasezerano y’uyu mukinnyi w’imyaka 30 yiyongera ako kanya kugeza mu 2017 ndetse akazakomeza guhembwa ibihumbi 600£ (agera kuri miliyoni 740 Frw) ku Cyumweru.
Rafaella yifotoreza mu bwabo buhenze
Rafaella yifotoza
Rafaella afite miliyoni 5,7 z’abamukurikira kuri Instagram
Ubwo Neymar yari yitabiriye Paris fashion week
