Shampiyona y’Icyiciro cya Mbere mu Bwongereza, Premier League, yamaze gushyira hanze uburyo amakipe azahura mu mwaka utaha w’imikino wa 2022/23, aho imikino izatangira Crystal Palace yakira Arsenal tariki ya 5 Kanama 2022.
Kuri uyu wa Kane saa Yine za mugitondo ni bwo Premier League yagaragaje uko amakipe azahura muri Shampiyona ya 2022/23.
Manchester City ifite igikombe cya Shampiyona giheruka, izahura na West Ham i Londres mu gihe Liverpool yabaye iya kabiri izahera kuri Fulham yazamutse uyu mwaka.
Nottingham Forest yari imaze imyaka 20 idakina muri Premier League, izakina na Newcastle United ku munsi wa mbere.
Iyi Shampiyona izagira ikiruhuko hagati tariki ya 12/13 Ugushyingo na 26 Ukuboza kubera Igikombe cy’Isi kizabera muri Qatar.
Uko amakipe azahura ku Munsi wa mbere wa Premier League
Tariki ya 5 Kanama
- Crystal Palace vs Arsenal
Tariki ya 6 Kanama
- Bournemouth vs Aston Villa
- Everton vs Chelsea
- Fulham vs Liverpool
- Leeds United vs Wolverhampton
- Leicester City vs Brentford
- Newcastle United vs Nottingham Forest
- Tottenham Hotspur vs Southampton
Tariki ya 7 Kanama
- Manchester United vs Brighton
- West Ham United vs Manchester City
