Sunrise FC yiyongereye amahirwe yo gusubira mu Cyiciro cya Mbere nyuma yo kunyagira Vision FC ibitego 3-0 mu mukino ubanza wa ½.
Uyu mukino wakiniwe kuri Stade ya Nyagatare kuri uyu wa Kabiri, tariki ya 14 Kamena 2022.
Ibitego bya Sunrise FC byatsinzwe na Hakizimana Adolphe ku munota wa 10 n’uwa 52 ndetse na Yafesi Mubiru ku munota wa 13.
Gutsinda uyu mukino byatumye Sunrise FC itera intambwe ishoora kuyisubiza mu Cyiciro cya Mbere yari yavuyemo mu mwaka ushize w’imikino.
Vision FC ni yo izakira umukino wo kwishyura.
Undi mukino ubanza wa ½ wagombaga guhuza AS Muhanga na Interforce FC, ariko wasubitswe kubera ubujurire bwatanzwe na Rwamagana City FC.
