Imikino

Real Madrid yegukanye Igikombe cya Shampiyona ku nshuro ya 35, Ancelotti akora amateka

Carlo Ancelotti yakoze amateka yo kuba umutoza wa mbere wegukanye ibikombe bya shampiyona eshanu zikomeye i Burayi nyuma y’uko Real Madrid yegukanye icya La Liga kuri uyu wa Gatandatu itsinze Espagnol ibitego 4-0.

Ibitego bibiri bya Rodrygo mu minota 12 ya nyuma y’igice cya mbere, icya Marco Asensio ku munota wa 55 na Karim Benzema ku wa 81 byatumye Real Madrid yegukana Igikombe cya Shampiyona ya Espagne ku nshuro ya 35.

Kuri ubu, Real Madrid irusha Seville ya kabiri amanota 17 mu gihe hasigaye imikino ine ngo umwaka w’imikino urangire.

Ancelotti wahesheje Real Madrid iki gikombe cya La Liga, yatwaye Serie A mu Butaliyani, Ligue 1 mu Bufaransa, Premier League mu Bwongereza na Bundesliga mu Budage.

Real Madrid yagiye gukina uyu mukino wo kuri uyu wa Gatandatu ikeneye inota rimwe, ariko ibitego bine yatsinze byatumye yishimira igikombe mu buryo bunejeje kurushaho.

TANGA IGITEKEREZO

Ibitekerezo(0)