Ikipe ya Rayon Sports yamaze gusinyisha rutahizamu Mambote Batshi Assis ukomoka muri Repubulika Iharanira Demukarasi ya Congo.
Yasinye kuri uyu wa Gatandatu tariki 1 Gicurasi 2021. Yasinye aje gusimbura Junior Bayanho -Aubyang ukomoka muri Gabon bitashobotse ko asinya kubera ko uhagarariye inyungu ze (Manager) yatinze kugera mu Rwanda mbere y’uko kongeramo abakinnyi birangira kuri uyu wa Kane tariki 29 Mata 2021.
Amakuru agera kuri Rwandamagazine.com ni uko ikipe ya Rayon Sports yahise ishaka uko imusimbuza , ihitamo Mambote ndetse inamushakira ibyangombwa.
Mambote akina nka rutahizamu. Yakiniye AS Nyuki yo muri Congo , Napsa Stars na City of Lusaka . Yayigezemo muri 2019. Yavutse tariki 20 Gicurasi 2000.Areshya na m 1.85. Aje akurikira Muhire Kevin na Hertier Luvumbu baheruka kongerwa mu ikipe ya Rayon Sports ngo bayifashe muri shampiyona y’uyu mwaka yatangiye kuri uyu wa Gatandatu tariki 1 Gicurasi 2021.
PHOTO:RENZAHO Christophe
