Rayon Sports inganyije na Espoir FC, ibitego 2-2 mu mukino w’umunsi wa 6 wa Shampiyona y’icyiciro cya Mbere mu mupira w’amaguru 2021-2022.
Kuri uyu wa Gatatu wa Gatatu tariki ya 01 Ukuboza 2021, Kuri Stade y’akarere ka Rusizi habereye umukino, wahuje Espoir na Rayon Sports
Espoir y’umutoza Gatera Musa yinjiye muri uyu mukino imaze imikino ine yikurikiranya idatsindwa,itaninjizwa igitego muri shampiyona, gusa ntiyari ifite Ndikumana Trésor wujuje amakarita atamwemerera gukina.
Mu gihe Rayon Sports yo yaburaga Samuel Ndizeye na Iranzi Jean Claude nabo bari bafite ibibazo by’amakarita kongeraho Steve Elumanga wavunitse.
Gatera Musa yari yahisemo kubanzamo Niyongira Patience (GK), Félicien Nkurunziza, Jacques Ahishakiye, Amza Runanira, Fulgence Twagirimana, Patrick Ntijyinama, John Musasizi, Djafar Uwizeye, Dagnogo Idrissa, issah Umar Akor na Fred Muhoozi
Rayon Sports y’umutoza Masud Djuma yo yari yabanjemo, Bashunga Abouba (GK), Mujyanama Fidele, Mugisha François, Niyigena Clément, Mitima Isaac, Nsengiyumva Isaac, Muhire Kevin, Blaise Nishimwe, Mutatu Manace Mbendi, Souleyman Sanogo na Essomba Willy Onana André
Amakipe yombi yatangiye asatirana, Rayon Sports iza kubona igitego ku munota wa 20’ gitsinzwe na Essomba Willy Onana André wahise wuzuza ibitego 4 muri shampiyona
Espoir ntiyacitse intege iza kubona ibitego 2 mbere y’uko igice cya mbere kirangira, ibitego byombi byatsinzwe na Fred Muhozi ku munota wa 27’ n’uwa 43’
Mu gice cya kabiri, Rayon Sports yaje gukora impinduka yinjizamo Kalim Nizigiyimana Mckenzie waje no gutanga umupira wavuyemo igitego cyo kwishyura ku munota wa 54’ gitsinzwe na Niyigena Clément.
Espoir FC yashoboraga kubona igitego cya Gatatu ariko Drissa Dagnogo arata penaliti ku munota wa 84’
Aya makipe aragaruka mu kibuga mpera z’iki cyumweru, Rayon Sports yakira Kiyovu Sports, naho Espoir isura Gasogi United
Mu yindi mikino yabaye, Etoile de l’Est yatsinze Gasogi United igitego 1-0 cyinjijwe na Nwosu Samuel Chukwudi mu gice cya mbere, Police FC itsinda Marines FC 1-0 cya Hakizimana Muhadjiri mu gihe Bugesera FC yanganyije na Rutsiro FC ubusa ku busa.
Ku wa Kabiri, Musanze FC yari yatsinze Gorilla FC ibitego 2-1 mu gihe umukino wari guhuza APR FC na Mukura VS wasubitswe kubera ko iyi kipe yambara umukara n’umweru izajya muri Maroc gukina umukino wo kwishyura muri CAF Confederation Cup.
11 Rayon Sports yabanje mu kibuga
11 Espoir FC yabanje mu kibuga
Onana niwe wabanje gufungura amazamu
Alfred Ntakirutimana wa Radio/TV1 yogeza igitego
Muhozi watsinze ibitego 2 bya Espoir FC
Kamuzinzi, Perezida wa Espoir FC
Uwayezu Jean Fidele, Perezida wa Rayon Sports
Umugore wa Perezida wa Rayon Sports yari yaje kureba uyu mukino
Runanira Amza yahuraga na Rayon Sports yigeze gucamo
Nyuma yo kwishyura igitego, Niyigena Clement yanyereye mu izamu aravunika
Andi Mafoto Ari kongerwa mu nkuru
