Ikipe ya Rayon Sports y’abagore yakinaga umukino wayo wa mbere mu cyiciro cya mbere, yatangiye itsinda ES Mutunda 4- 0 mu mukino wabereye mu Karere ka Huye kuri uyu wa Gatandatu tariki 7 Ukwakira 2023.
Rayon Sports yakinnye uyu mukino nyuma y’uko kuri uyu wa Gatanu tariki ya 6 Ukwakira 2023 yari yerekanye ikipe y’abagore izakina bwa mbere icyiciro cya mbere umwaka w’imikino 2023-24, banamurika imyambaro bazakoresha uyu mwaka.
Ibitego bya Rayon Sports WFC byatsinzwe na Ochieng Atieno Judith, Dorothée Mukeshimana, Djamilla Abimana na Pascaline Umuhoza.
Rayon Sports y’abagore yashinzwe umwaka ushize ku bufatanye bwa Rayon Sports n’umuterankunga wayo mukuru, Skol, yahereye mu cyiciro cya kabiri ndetse ihita yegukana shampiyona yacyo ari nabwo yatsindiraga kuzamuka mu cyiciro cya mbere.
Ku munsi wa kabiri wa Shampiyona, Rayon Sports WFC izakira AS Kigali yegukanye igikombe cya Shampiyona y’umwaka ushize.
Uhereye i buryo hari Perezida wa Rayon Sports, Uwayezu Jean Fidele, Kabalisa Calliope wahoze atoza abanyezamu ba Rayon Sports ubu akaba atoza aba Mukura VS, Benie Kana Axella , Umunyamabanga wa Rayon Sports WFC na Murego Philemon ushinzwe umutekano mu ikipe y’abagore
Uko imikino y’umunsi wa mbere muri shampiyona y’icyiciro cya mbere mu bagore yagenze:
Inyemera 1-0 Kamonyi
As Kigali 11-1 Rambura
Bugesra 3-1 Freedom
Es Mutunda 0-4 Rayon Sports WFC
Fatima 0-0 Indahangarwa WFC
Ku cyumweru:
APAER WFC vs IPM WFC
