Mu mukino usoza imikino ibanza, ikipe ya Rayon Sports WFC yanyagiye Fatima FC 6-0 ikomeza kugabanya umubare w’ikinyuranyo cy’ibitego kiri hagati yayo na AS Kigali WFC banganya amanota ariko bagatandukanywa n’umubare w’ibitego bazigamye.
Hari mu mukino w’umunsi wa 11 wabereye mu Karere ka Musanze kuri Stade Ubworoherane guhera saa munani z’amanywa.
Mary Chavinda Gibi yatsinze ibitego 2 (8’,22’). Ibindi byatsinzwe na Judith Ochieng Atieno (16’),Mukandayisenga Jeanine bahimba Kaboy, Mukeshimana Dorothee na Kalimba Alice.
Gutsinda uyu mukino byatumye Rayon Sports WFC igira amanota 31 inganya na AS Kigali ya mbere, bagatandukanywa n’uko AS Kigali WFC izigamye ibitego 44 naho Rayon Sports WFC ikazigama 36.
Uko shampiyona y’umunsi wa 11 yagenze mu cyiciro cya mbere mu bagore yagenze:
Fatima 0-6 Rayon Sports
Inyemera 0-2 AS Kigali
Bugesera 0-0 Kamonyi
ES Mutunda 4-0 Rambura
Muhazi Utd x Indahangarwa
Yasubitswe kubera ikibuga cyangijwe n’imvura
Ku cyumweru tariki 17 Ukuboza 2023
APAER WFC vs Freedom WFC
11 Rayon Sports WFC yabanje mu kibuga
11 Fatima WFC yabanje mu kibuga
Fatima yari ifite abasimbura 5 gusa kuko abandi ngo banze kuza kwitabira uyu mukino nyuma yo kumara amezi 6 badahembwa
Ramazan usanzwe atoza abanyezamu niwe watoje uyu mukino kuko abatoza bombi bari kwigira Licence B
Chavinda Mary watsinze ibitego 2
Mukeshimana Dortothee wafashije cyane kuri uyu mukino akanatsinda igitego
Judith na we yatsinze igitego muri uyu mukino
Bamwe mu bafana bari baje gushyigikira Rayon Sports WFC
Bahanganye nk’aba sportif na Changirangi wafanaga cyane Fatima WFC ariko akaba azwi cyane nk’umufana ukomeye wa Musanze FC
