Police HC yatsinze Gicumbi HC ibitego 41-35 mu mukino wa mbere wo guhatanira Igikombe cya Shampiyona y’Icyiciro cya Mbere muri Handball wabaye kuri iki Cyumweru, tariki ya 10 Nyakanga 2022.
Amakipe yombi ni yo yageze ku mukino wa nyuma, nyuma yo kwitwara neza mu mikino ya “Final 6” yahuje amakipe atatu ya mbere muri buri “Ligue”.
Gicumbi HC yari yakiriye umukino wa mbere muri itatu ishoboka, ntiyahiriwe ku kibuga cyayo kuko yahatsindiwe na Police HC ibitego 41-35 kuri iki Cyumweru.
Igice cya mbere cy’umukino cyari cyarangiye Police HC iri imbere n’ibitego 17 kuri 13 bya Gicumbi HC.
Ikipe y’abashinzwe umutekano ni yo izakira umukino wa kabiri uteganyijwe ku Cyumweru, tariki ya 17 Nyakanga, ndetse kuwutsinda bizayihesha kwisubiza Igikombe cya Shampiyona ya Handball.
Mu gihe Gicumbi HC yatsinda uwo mukino wa kabiri, Ishyirahamwe Nyarwanda ry’umukino wa Handball (FERWAHAND) rizagena ikibuga kizakinirwaho umukino wa gatatu “wa kamparampaka” tariki ya 22 Nyakanga 2022.
Gicumbi HC yari yakiriye umukino wa mbere muri itatu ishoboka
Police HC yitwaye neza kuri iki Cyumweru, irasabwa gutsinda umukino wa kabiri ubundi igahita yegukana Igikombe cya Shampiyona
Amakipe yombi nanganya umukino 1-1, hazitabazwa uwa gatatu wa kamarampaka
