Police FC yatsinze Etincelles FC ibitego 2-1, ibona intsinzi ya kabiri muri Shampiyona y’Icyiciro cya Mbere mu Rwanda igeze ku munsi wa gatandatu.
Ikipe y’abashinzwe umutekano yari yakiriye uyu mukino wabereye kuri Stade ya Kigali ku wa Gatanu, yahushije penaliti mu gihe yafunguye amazamu ku gitego cyinjijwe na Twizerimana Onesme ku munota wa 35.
Iki gitego Onesme yatsinze cyabaye icya kane mu mikino itatu yikurikiranya ya Shampiyona y’uyu mwaka.
Nyuma y’iminota 12 amakipe yombi avuye kuruhuka, Etincelles FC yishyuriwe na Sumaila Moro na we watsinze igitego cya gatanu muri uyu mwaka w’imikino.
Police FC yatsinze igitego cya kabiri ku munota wa 65, cyinjijwe na Twizeyimana Martin Fabrice.
Gutsinda uyu mukino byatumye Police FC igira amanota arindwi ku mwanya wa munani, irushwa atanu na Rayon Sports ya mbere, yo itarakina imikino ibiri.
Abakinnyi ba Police FC babanje mu kibuga
Ababanjemo ku ruhande rwa Etincelles FC
