Ikipe ya Gasogi United yatsinze iya Tsinda Batsinde 3-0 ikomeza mu cyiciro gikurikiyeho mu gikombe cy’Amahoro.
Wari umukino wo kwishyura wabereye kuri Kigali Pele Stadium kuri uyu kane tariki 28 Ukuboza 2023 guhera saa cyenda z’amanywa.
Umukino ubanza amakipe yombi yari yanganyije 0-0.
Ibitego bya Gasogi byatsinzwe na myugariro Yao Henock wafunguye amazamu ku munota wa 16 ku mupia yatsindishije umutwe uvuye muri koloneri. Kabanda Serge yatsinze icya kabiri ku munota wa 34, naho Malipangou atsinda icya 3 mu gice cya kabiri.
Gutsinda uyu mukino byatumye Gasogi United ikomeza mu makipe 8 yarenze ijonjora ribanza ry’igikombe cy’Amahoro.
Amakipe yakomeje:
– Vision FC
– Gorilla FC
– Gasogi Utd
– AS Kigali
– Addax FC
– Bugesera FC
– Interforce FC
– Kamonyi FC
PHOTO:RENZAHO CHRISTOPHE
