Ikipe ya Musanze FC yatsinze Etoile de l’Est ibitego 2-0 mu mukino w’umunsi wa 18 wa shampiyona bituma ikomeza kuguma mu makipe ari mu myanya y’ imbere ku rutonde rw’agateganyo.
Hari mu mukino wabaye kuri uyu wa mbere tariki 21 Gashyantare 2022 kuri stade Ubworoherane.
Ni umukino Musanze FC yakiriye nyuma yo gutsinda APR FC 1-0 mu mukino bayakiriyemo kuri Stade Ubworoherane ku munsi wa 17 wa Shampiyona.
Ibitego bya Musanze FC byatsinzwe na Imran Nshimiyimana ku munota wa 6 ku mupira wari uvuye muri Korineri ari nako igice cya mbere cyarangiye.
Mu gice cya kabiri, Musanze FC , ku munota wa 70, Musanze FC yabonye igitego cya kabiri gitsinzwe n’umunya-Nigeria Samson Irokan Ikwecuku.
Nyuma y’uyu mukino, Musanze FC yahise igira amanota 30, ifata umwanya wa 6 ku rutonde rw’agateganyo. Etoile de l ’Est yo yahise ifata umwanya wa 13 n’amanota 17.
Ku munsi wa 19 wa shampiyona, Musanze FC izasura Espoir FC mu karere ka Rusizi tariki 26 Gashyantare 2022.
Uko umunsi wa 18 wa shampiyona wagenze
Tariki 19-02-2022
AS Kigali 2-0 Gorilla FC
Tariki 20-02-2022
Mukura VS&L 1-0 Marine FC
Gicumbi FC 1-1 Espoir FC
Rutsiro FC 2-1 Gasogi United
Police FC 0-1 Kiyovu SC
Tariki 21-02-2022
Bugesera FC 0-1 Rayon Sports FC
APR FC 2-0 Etincelles FC
Musanze FC 2-0 Etoile de l’Est FC
