Mu mukino ufatwa nka ’Derby’ muri Shampiyona y’abagore wahuje Rayon Sports WFC na AS Kigali WFC, warangiye amakipe yombi anganya 1-1.
Ni umukino wabereye mu Nzove kuri uyu wa Gatandatu tariki 14 Ukwakira 2023, wabereye mu Nzove guhera saa munani z’amanywa. Ni ku nshuro ya gatatu izi kipe zari zihuye (zombi AS Kigali yarazitsinze) gusa yariwo mukino wa mbere uzihuje mu cyiciro cya mbere cya shampiyona y’abagore Rayon Sports yazamutsemo uyu mwaka.
Ni umukino warebwe na bamwe mu bayobozi b’uruganda rwa Skol, umuterankunga mukuru wa Rayon Sports ndetse na Uwayezu Jean Fidele, Perezida wa Rayon Sports.
Rayon Sports niyo yafunguye amazamu ku gitego cyatsinzwe na Mukandayisenga Jeanine bahimba Ka Boy waje muri iyi kipe uyu mwaka avuye mu ikipe y’Inyemera WFC. Yagitsinze ku munota wa 5.
Igitego cyo kwishyura, AS Kigali yakibonye ku munota wa gatanu w’inyongera (95’) gitsinzwe na myugariro Imaniraguha Louise ku mupira wari uvuye muri koloneri.
Kunganya kw’aya makipe byatumye ahita afata umwanya wa gatatu (AS Kigali), Rayon Sports ifata umwanya wa kane.
Urutonde rw’agateganyo
11 Rayon Sports WFC y’abagore yabanje mu kibuga
11 AS Kigali WFC yabanje mu kibuga
Mukandayisenga Jeanine bahimba Ka Boy waje muri Rayon Sports WFC avuye mu ikipe y’Inyemera WFC niwe watsindiye Rayon Sports WFC igitego
Uko igitego cya Rayon Sports WFC cyinjiye mu izamue
