MU MAFOTO:Ibihumbi by’abafana bitabiriye imyitozo ya APR FC irimo abanyamahanga

APR FC yakoze imyitozo yiyereka abafana muri Kigali Pelé Stadium bari baje kwihera ijisho abanyamahanga yaguze.

Ni imyitozo yabaye ku gicamunsi cyo kuri uyu wa Gatanu tariki ya 21 Nyakanga 2023, ni nyuma y’ikiganiro n’itangazamakuru aho barekanye umutoza mushya Thierry Froger w’Umufaransa wahawe amasezerano y’umwaka umwe.

Hahise hakurikiraho imyitozo ya APR FC yakozwe n’abakinnyi bashya 6 ari bo; Pavelh Ndzila, Taddeo Lwanga, Nshimirimana Ismaïl Pitchou, Joseph Apam Assongue, Sharif Shaiboub na Ndikumana Danny uzakina nk’umunyarwanda.

Iyi myitozo ikaba yakurikiranywe n’abafana benshi ba APR FC bari buzuye muri Kigali Pelé Stadium.

Bari bafite amatsiko menshi yo kubona abakinnyi b’abanyamahanga ikipe yabo yaguze, ni nyuma y’imyaka 11 ikinisha abanyarwanda gusa.

Mu bakinnyi batakoze ni umunya-Cameroun, Salomon Bienvenue Banga n’umunya-Nigeria, Victor Mbaoma.

Imyitozo irangiye, abakkinnyi, abatoza n’abayobozi ba APR FC bafashwe umunota wo kwibuka Umunye-Congo wigeze gutoza iyi kipe y’Ingabo, Andy Mfutila Magloire witabye Imana kuri uyu wa Gatanu tariki 21 Nyakanga 2022.

Taddeo Lwanga asuhuza Nshimirimana Ismaïl Pitchou wavuye muri Kiyovu Sports

Umutoza wungirije wa APR FC

Joseph Apam Assongue

Thierry Froger, umutoza mukuru wa APR FC

Tony Kabanda, umuvugizi wa APR FC

Mugisha Gilbert mu kazi

Umwe mu bakinnyi bazamuwe muri Intare FA

Irishad ari gukorera ku ruhande kubera imvune

Taddeo Lwanga ahanganira umupira na Pitchou na Prince

I bumoso hari Desire Ndanda wabaye umunyezamu wa APR FC ubu akaba yarongewe muri Staff technique y’iyi kipe ya gisirikare

Umunyezamu Pavelh Ndzila

Sharif Shaiboub

I buryo hari Chairman wa APR FC, Lt Col Richard Karasira

I buryo hari Kalisa Georgine ushinzwe umutungo muri APR FC

Uwayezu François Régis ,Vice Chairman wa APR FC na we yakurikiye iyi myitozo

I bumoso hari Kalinda Emile, umuvugizi w’abafana ba APR FC naho i buryo ni Songambele ushinzwe ubukangurambaga mu bafana ba APR FC ku rwego rw’igihugu

Umuyobozi wa APR FC yaboneyeho kwereka abakinnyi n’abatoza abandi bayobozi muri APR FC, abemerera ubufatanye muri byose bazabakeneraho

Hafashwe umwanya wo kwibuka Andy Mfutila Magloire , Umunye-Congo wigeze gutoza iyi kipe ya APR FC witabye Imana

Uri hagati ya Gilbert na Claude ni Ndikumana Danny

Abafana beretse urukundo rukomeye abakinnyi ba APR FC

Byari ibyishimo bisesuye

PHOTO:RENZAHO CHRISTOPHE