AS Kigali yashimiwe n’abantu batandukanye barimo Minisitiri wa Siporo, Munyangaju Aurore Mimosa n’ubuyobozi bw’Umujyi wa Kigali, ni nyuma y’uko yasezereye ASAS Télécom yo muri Djibouti mu ijonjora rya mbere rya CAF Confederation Cup.
AS Kigali yakoze ibyo yasabwaga ku Cyumweru, tariki ya 18 Nzeri 2022, itsinda iyi kipe yo muri Djibouti igitego 1-0.
Kalisa Rachid yatsinze iki gitego rukumbi ku munota wa 67, aho yateresheje umutwe umupira wari uvuye muri koruneri yatewe na Haruna Niyonzima.
Ubuyobozi bw’Umujyi wa Kigali utera inkunga AS Kigali, bwashimiye abakinnyi uko bitwaye.
Mu butumwa Umujyi wa Kigali washyize kuri Twitter, wagize uti “Murakoze cyane bahungu b’Umujyi wa Kigali, muduhesheje ishema. Mukomeze mukotane no mu bindi byiciro bikurikira, tubari inyuma.”
Murakoze cyane bahungu ba @CityofKigali muduhesheje ishema.
Mukomeze mukotane no mubindi byiciro bikurikira tubari inyuma. @PudenceR @gatjmv @merardmp @Urujeni1 pic.twitter.com/OcKf1FN5ZF— City of Kigali (@CityofKigali) September 18, 2022
Minisitiri wa Siporo, Munyangaju Aurore Mimosa, na we yashimiye iyi kipe rukumbi isigaye ihagarariye u Rwanda mu marushanwa Nyafurika ahuza amakipe.
Ati “Mwakoze AS Kigali ku bw’intsinzi y’uyu munsi. Amahirwe masa mu cyiciro gikurikiye! Muhetse u Rwanda!”
Mwakoze @AS_KigaliFC kubw'intsinzi y'uyu munsi!
Amahirwe masa mu cyiciro gikurikiye!
Muhetse u Rwanda 🇷🇼! #TotalEnergiesCAFCC@FERWAFA https://t.co/Oy7Awdqqs9— Aurore Mimosa Munyangaju (@AuroreMimosa) September 18, 2022
Mu ijonjora rya kabiri rizakinwa mu Ukwakira, AS Kigali izahura na Al Nasry yo muri Libya.
AS Kigali izahura na Al Nasry yo muri Libya
