Polisi y’u Rwanda yatangaje ko Mashami Vincent ari we mutoza mukuru wa Police FC mu gihe iyi kipe ikina mu Cyiciiro cya Mbere igiye kuyoborwa na ACP Yahya Mugabo Kamunuga.
Mashami Vincent wabaye umutoza w’Amavubi hagati ya 2019 na 2022, yasimbuye Frank Nuttal utarahiriwe mu mwaka umwe yatojemo Police FC kuko yasoje Shampiyona iri ku mwanya wa karindwi.
Izindi mpinduka zakozwe muri Police FC ni uko Umuyobozi wayo Mukuru yagizwe ACP Yahya Mugabo Kamunuga wasimbuye ACP (rtd) Bosco Rangira wabaye Visi Perezida wa Mbere.
Visi Perezida wa Kabiri ushinzwe igura n’igurisha muri iyi kipe yagizwe SP) Regis Ruzindana.
Umunyamabanga Mukuru wa Police FC, CIP Obed Bikorimana, yavuze ko “impinduka zakozwe zigamije kuzahura uko ikipe yitwaraga mu marushanwa.”
