Rayon Sports yageze ku mukino wa nyuma w’Irushanwa rya Made in Rwanda Cup 2022 nyuma yo gutsinda Musanze FC kuri penaliti 4-2 ubwo amakipe yombi yari yanganyije ubusa ku busa.
Kuri uyu wa Gatanu, tariki ya 7 Ukwakira, ni bwo hakinwe imikino ya 1/2 cy’iri rushanwa ryahuje amakipe ane.
Rayon Sports yatsinze Musanze FC penaliti 4-2 nyuma yo kunganya ubusa ku busa mu minota 90 yakiniwe kuri Stade ya Kigali i Nyamirambo.
Ku mukino wa nyuma uzakinwa ku Cyumweru saa Kumi, Rayon Sports izahura na Kiyovu Sports yasezereye Mukura VS iyitsinze igitego 1-0.
Umukino w’umwanya wa gatatu uzahuza Musanze FC na Mukura VS ku Cyumweru guhera saa Munani.
AMAFOTO: Renzaho Christophe
