Rutahizamu w’Umuyapani Kazuyoshi Miura akomeje kwandika amateka yo kuba umukinnyi ukuze kurusha abandi ku Isi, ni nyuma y’uko kuri ubu ageze ku myaka 55 n’iminsi 255 akigaragara mu kibuga.
Uyu mugabo wigeze gukinira Ikipe y’Igihugu y’u Buyapani, yagiye mu kibuga ku Cyumweru asimbuye ku ruhande rw’ikipe ya Suzuka Point Getters, byatumye akomeza guca agahigo.
Yagiye mu kibuga ku munota wa 76, afasha ikipe ye gutsinda Criacao Shinjuku igitego 1-0 mu mukino wabereye imbere y’imbaga y’abafana basaga ibihumbi 16.
Nubwo ikipe ye yegukanye intsinzi, icyavuzwe cyane ni izina ry’uyu mugabo wiswe “King Kazu” [Umwami Kazu] uzuzuza imyaka 56 muri Gashyantare.
Intego ye ngo ni uko ugukina kugeza ku myaka 60, ibintu bishobora kuzahira bake bashaka kugera kuri uwo muhigo.
Kuri ubu, ni uwa karindwi ku rutonde rw’abakinnyi batsinze ibitego byinshi muri Shampiyona y’u Buyapani aho yinjije ibitego 139.
Amakipe 15 Kazuyoshi Miura yakiniye mu myaka 36 amaze akina ruhago
- 1986 Santos
- 1986 Palmeiras
- 1986 Matsubara
- 1987 CRB
- 1987–1988 XV de Jau
- 1988–1989 Coritiba
- 1990 Santos
- 1990–1998 Yomiuri/Verdy Kawasaki
- 1994–1995 Genoa (Yaratijwe)
- 1999 Dinamo Zagreb
- 1999–2000 Kyoto Purple Sanga
- 2001–2005 Vissel Kobe
- 2005– Yokohama FC
- 2005 Sydney FC (Yaratijwe)
- 2022- Suzuka Point Getters (Yaratijwe)
Miura yari yabanje ku ntebe y’abasimbura ku Cyumweru
Kumara igihe kirekire mu kibuga byatumye Kazuyoshi Miura akinana n’abarimo Andres Iniesta
Miura yatsinze ibitego 55 mu mikino 89 yakiniyemo u Buyapani mu gihe cy’imyaka 10
Uyu Muyapani ukuze kurusha abandi bakinnyi bose bo ku Isi yifuza gukina kugeza ku myaka 60
