Rutahizamu w’u Bufaransa na Real Madrid, Karim Benzema, yegukanye Ballon d’Or ihabwa umukinnyi uhiga abandi ku Isi, ku nshuro ya mbere.
Benzema yatsinze ibitego 44 mu mikino 46 aho yafashije Real Madrid kwegukana Champions League na La Liga mu mwaka w’imikino wa 2021-22.
Lionel Messi (inshuro zirindwi) na Cristiano Ronaldo (eshanu) begukanye iki gihembo inshuro 12 muri 13 ziheruka.
Mu bagore, iki gihembo cyegukanywe na Kapiteni wa FC Barcelone, Alexia Putellas, wacyisubije kuko yari yagitwaye no mu mwaka ushize.
Umwongerezakazi ukinira Arsenal Beth Mead yabaye uwa kabiri naho Sam Kerr ukinira Chelsea aba uwa gatatu.
Manchester City yatwaye Shampiyona y’u Bwongereza, ikaba yari ifite abakinnyi batandatu mu batoranyijwemo uhabwa igihembo, yahembwe nk’Ikipe y’Umwaka ihigitse Liverpool.
Igihembo cyatanzwe none cyazanywe muri Théâtre du Châtelet mu modoka y’isiganwa n’umupilote w’Umufaransa Esteban Ocon ukina muri F1.
Benzema yabaye Umufaransa wa mbere ugihawe nyuma ya Zinedine Zidane wakimushyikirije, we wagitwaye mu 1998.
Kugira ngo Benzema w’imyaka 34 atsindire iki gihembo, byanyuze mu matora y’abanyamakuru 100 bo hirya no hino ku Isi.
Uko abakinnyi bakurikiranye
1. Karim Benzema (Real Madrid, France).
2. Sadio Mane (Bayern Munich, Senegal).
3. Kevin de Bruyne (Manchester City, Belgium).
4. Robert Lewandowski (Barcelona, Poland).
5. Mohamed Salah (Liverpool, Egypt).
6. Kylian Mbappe (Paris St-Germain, France).
7. Thibaut Courtois (Real Madrid, Belgium).
8. Vinicius Junior (Real Madrid, Brazil).
9. Luka Modric (Real Madrid, Croatia).
10. Erling Haaland (Manchester City, Norway).
11. Son Heung-min (Tottenham Hotspur, South Korea)
12. Riyad Mahrez (Manchester City, Algeria).
13. Sebastien Haller (Borussia Dortmund, Ivory Coast).
14. Fabinho (Liverpool, Brazil) anganya na Rafael Leao (AC Milan, Portugal).
16. Virgil van Dijk (Liverpool, Netherlands).
17. Luis Diaz (Liverpool, Colombia) anganya na Dusan Vlahovic (Juventus, Serbia) na Casemiro (Manchester United, Brazil).
20. Cristiano Ronaldo (Manchester United, Portugal).
21. Harry Kane (Tottenham Hotspur, England).
22. Trent Alexander-Arnold (Liverpool, England) anganya na Phil Foden (Manchester City, England) na Bernardo Silva (Manchester City, Portugal).
25. Joao Cancelo (Manchester City, Portugal) anganya na Joshua Kimmich (Bayern Munich, Germany), Mike Maignan (AC Milan, France), Antonio Rudiger (Real Madrid, Germany), Darwin Nunez (Liverpool, Uruguay) na Christopher Nkunku (RB Leipzig, France).
