Umukino wahuzaga ikipe ya Nyagatare FC na Ivoire Olympic wahagaze ku munota wa 15 kubera imvura nyinshi yaguye ubwo uyu mukino wabaga.
Ni umukino wo mu itsinda A muri Shampiyona y’icyiciro cya kabiri. Nyagatare FC yakiriye uyu mukino ku kibuga cy’i Kiramuruzi giherereye mu Karere ka Gatsibo. Ni umukino wamaze iminota 15 ukinwa, imvura nyinshi iragwa biba ngombwa ko abasifuzi bafata icyemezo cyo kuwuhagarika.
Ni umukino biteganyijwe ko uzasubukurwa kuri uyu wa mbere tariki 11 Ugushyingo 2024 ku kibuga n’ubundi wari kuberaho, ukazahera ku munota wahagarariyeho.
Itsinda rya mbere riracyayobowe na La Jeunesse ifite amanota 19. Ivoire Olympic iri ku mwanya wa 6 n’amanota 11 naho Nyagatare ikaba iya 7 n’amanota 8.
11 Nyagatare FC yabanje mu kibuga
11 Ivoire Olympic yabanje mu kibuga
Mbere y’umukino habanje gufatwa umunota umwe wo kwibuka Mbonimpa Anne wari Umukozi muri Komisiyo Ishinzwe Iterambere ry’Umupira w’Amaguru w’Abagore mu Ishyirahamwe ry’Umupira w’Amaguru mu Rwanda witabye Imana kuri uyu wa Gatandatu tariki 9 Ugushyingo 2024
Abakozi bo muri Marchal Real Estate itera inkunga Ivoire Olympic baba baje gushyigikira iyi kipe
Lydia, umunyamabanga wa Ivoire Olympic yari yagezweho n’imbeho y’imvura nyinshi yaguye i Kiramuruzi
Umukino uzasubukurwa kuri uyu wa mbere tariki 11 Ugushyingo 2024
