* Rayon Sports yamuritse imyenda mishya izakoresha muri ’Saison 2018/2019’ mu birori byabereye muri Petit Stade...Djabel yahinduye numero kuko azajya yambara numero 10, Bashunga Abouba ahabwa numero 1,...numero 9 yo iracyari mu bubiko.
*Abahanzi banyuranye basusurukije ibi birori , abakinnyi na Staff ya Rayon Sports baranyurwa nabo barabafasha
*Senderi yamurikiye abafana indirimbo nshya yabahimbiye
* Umutoza wa Rayon Sports yeretse abafana ko azi guconga umuziki
* Mugemana Charles, umuganga wa Rayon Sports yasanze umukobwa we (Queen Cha) ku rubyiniro, binyura benshi
* Paul Muvunyi yongeye gushimangira ko ntakipe bashaka ko uyu mwaka izabahagarara imbere. Yibukije abafana ko bafite umukino ukomeye uzahuza Rayon Sports na APR FC tariki 23 Ugushyingo 2018 bahatanira igikombe cyo kurwanya ruswa.
Kuri uyu wa Kane tariki 25 Ukwakira 2018 , muri Petit Stade i Remera habereye umuhango wo kwerekena imyenda Rayon Sports izakoresha muri ’Saison’ ya 2018/2019 iheruka gutangira mu cyumweru cyashize. Ni umuhango watangiye ku isaha ya saa kumi n’ebyiri na mirongo itanu n’itanu z’umugoroba (18h55), utangizwa n’isengesho. Jean Lambert Gatare niwe wari uwuyoboye.
Uyu muhango Rayon Sports yaherukaga kuwukora muri 2015 ubwo i Gikondo ahasanzwe habera imurikagurisha (Expo Ground) herekanirwaga abakinnyi Rayon Sports yari gukoresha mu mwaka wa 2015/2016.
Imyenda mishya ya Rayon Sports yamuritswe na Perezida w’iyi kipe, Paul Muvunyi ndetse n’ukuriye iyamamazabikorwa muri Skol. Herekanywe imyenda Rayon Sports izajya yambara yakiriye imikino mu rugo, iyo izajya yambara yasohotse hanze, iyo abakinnyi bazajya bakoresha mu myitozo, imipira izajya ikinwa n’ imyenda abakinnyi bazajya bambara mu gihe bari hanze y’ikibuga. Buri mukinnyi kandi yahawe igikapu azajya atwaramo ibikoresho bye. Imyenda mishya ya Rayon Sports iriho abafatanyabikorwa 2: Skol na Bonanza.
Bonanza ni kompanyi y’Abashinwa. Izajya iha Rayon Sports miliyoni 5 FRW ku kwezi mu gihe cy’imyaka 2. Iyi kompanyi yitwa Bonanza Trading Company Ltd niyo nshya ku mwambaro wa Rayon Sports. Isanzwe ikora ibijyanye n’ imikino y’amahirwe ’ Gaming’ ndetse no gucukura amabuye y’agaciro. Nibwo itangiye gukorera mu Rwanda ariko isanzwe ikorera mu bindi bihugu nka Zambia, Tanzania na Kenya.
Ubwo hari hagiye kwerekanwa imyenda, Muhirwa Freddy, Visi Perezida wa Rayon Sports yavuze ko hari bwerekanwe imyenda y’abakinnyi 28. Abandi yavuze ko hakirimo ibibazo ariko bizakemuka.
Uko abakinnyi bahawe numero...Izi mu muhondo ziracyabitse uretse 15 yahawe Congolais
Akandi gashya kabaye muri uyu muhango ni uko abafana ba Rayon Sports bifurije Perezida Kagame isabukuru nziza. Tariki 23 Ukwakira 2018 nibwo Perezida Kagame yagize isabukuru y’amavuko y’imyaka 61. Claude Muhawenimana ukuriye abafana ba Rayon Sports yavuze ko nubwo iminsi yarenze ariko ko nabo bifatanyije na Perezida Kagame ku isabukuru ye ndetse ahita anasaba DJ Mike gucuranga indirimbo ’Happy Birthday’.
Mu ijambo yavugiye muri uyu muhango, umutoza mukuru wa Rayon Sports, Roberto Oliviera Gons Alvez de Carmo (Robertinho) yavuze ko akurikije uko abona abafana ba Rayon Sports, abagereranya n’ab’amakipe akomeye y’iwabo muri Brazil nka Flamengo. Yavuze ko nubwo batsinze umukino ubanza wa Shampiyona ariko ngo mu ikipe y’abafana benshi bisaba gutsinda iteka ari nacyo na we ngo ashyize imbere.
Manzi Thierry , Kapiteni wa Rayon Sports yasabye abafana kubaba inyuma ubundi bakabaha ibikombe kuko ngo bashyigikiwe n’ubuyobozi bwiza bw’ikipe kandi buhuje.
Manzi yagize ati " Aba ni abakinnyi beza muri iki gihugu cy’u Rwanda , uretse no mu gihugu cy’u Rwanda , ubuyobozi bwanyarukiye hanze butuzanira abandi bakinnyi beza. Turashimira abayobozi bacu badahwema kutuba inyuma. Impamvu twitwara neza ni uko dufite ubuyobozi buturi inyuma kandi buhuje....Aho tugeze aha ni kuri match ya 2 izakurikirwa n’izindi. Iya mbere twarayitsinze, twaranayibagiwe. Mwe mwese uko muri hano nabatahageze, mubatubwirire ngo baze batube inyuma kandi ibyo bakeneye bagomba kubibona."
Muvunyi Paul yafashe ijambo ashimira abafatanyabikorwa bose ba Rayon Sports bakomeje kuyifasha kugera kuri byinshi ndetse n’abafana muri rusange bitanga ngo ikipe ikomeze kuzamuka. Yavuze ko kuri ubu Rayon Sports ifite abakinnyi bakomeye cyane ku buryo ngo badashaka ko uyu mwaka nta kipe izabahagarara imbere.
Aganira n’itangazamakuru, Paul Muvunyi yavuze ko impamvu imyenda itanditseho amazina ari uko Skol yanze ko yakwandikirwaho hano kuko iyo imvura iguye amarangi yivanga kandi ko baba bashaka gukoresha imyenda ifite ’Quality’ nziza bityo ko umwaka utaha bizaza byanditseho. Yavuze ko abakinnyi baguzwe imyenda yaramaze gukorwa.
Mu ijambo rye, Musangabatware Clement, umuvunyi mukuru wungirije ari na we wari umushyitsi mukuru muri uyu muhango yibukije abafana ba Rayon Sports umukino wo kurwanya ruswa , abasaba kuzitabira ari benshi.
Yagize ati " Nagira ngo nshimire ubuyobozi bwa Rayon Sports ndetse n’abafatanyabikorwa bayo barimo Radiant , Airtel, Skol ndetse na Bonanza kuba twahuriye hano kugira ngo twizihize uyu munsi. Nkuko babibabwiye, tariki 13 z’ukwezi kwa 11 hazaba irushanwa ryo kurwanya ruswa, Rayon Sports ikazahura na APR FC hakazaba hari abavunyi bo muri Afurika y’iburasirazuba. Tukaba twizeye ko muzaza muri benshi mukazaza kureba uwo mupira , tukaba tubifurije kuzagira intsinzi muri uwo mukino nkuko bisanzwe."
Abagize Gikundiro Forever Group bari mu bahageze hakiri kare..Ibirori byatangiye saa moya zibura iminota 5 , bisozwa saa yine z’ijoro
Fan Clubs zo mu Ntara nazo zitabiriye uyu muhango
Bamwe mu bagize Smart Blue Fan Club
DJ Mike niwe wavangaga imiziki
Icyaka cyari yafatiwe ingamba zikomeye!
Abashinzwe imyinjirize bari bafite itumanaho ryihariye
Ni ibirori byitabiriwe cyane , biyoborwa na Jean Lambert Gatare
Jean Lambert Gatare wayoboye uyu muhango
King Bernard , umunyamabanga wa Rayon Sports (wa kabiri uhereye i bumoso ) yari mu ikipe yakurikiranaga uko biri kugenda
Ntampaka Theogene wigeze kuyobora Rayon Sports yari muri uyu muhango
Alexis Mutangana ukuriye abafana ba Liverpool mu Rwanda akaba n’umufana ukomeye wa Rayon Sports
Abari bahagarariye Bonanza Ltd
I bumoso hari Bad Rama, nyiri The Mane ihagarariye abahanzi Queen Cha na Safi Madiba baririmbye muri ibi birori...uwo bari kumwe ni Kamayirese Jean D’Amour ushinzwe imyinjirize ku mikino yakiriwe na Rayon Sports
I buryo hari Nkubana Adrien, Team Manager wa Rayon Sports wanashimiwe muri uyu muhango kubw’akazi gakomeye akora ko gukurikirana ubuzima bwa buri munsi bw’ikipe
Mugabo Justin, umushoramari akana na nyiri Radio na Televiziyo Isango Star...Niwe mujyanama wa Komite ya Rayon Sports mu bijyanye n’itangazamakuru
Muhirwa Freddy, Visi Perezida wa Rayon Sports yashimiye Muvunyi Paul uburyo akomeje kuyobora ikipe neza ayiganisha aheza
Robertinho yagereranyije abafana ba Rayon Sports n’ab’amakipe akomeye yo muri Brazil nka Flamengo
Imyenda Rayon Sports yamuritse
Ibikapu byahawe abakinnyi
Imyenda izajya yifashishwa mu myitozo
Imyenda Rayon Sports izajya yambara yakiniye mu rugo
Imyenda Rayon Sports izajya yambara yasohotse
Manzi Thierrry, Kapiteni wa Rayon Sports niwe wahawe umwambaro mushya bwa mbere
Bashunga Abouba yahawe numero 1
Master uheruka kubagwa ukuboko yaje gufata numero ye hamwe na bagenzi be
Muhire Kevin uheruka gutorwa nk’umukinnyi w’umwaka muri Rayon Sports azajya yambara 11 aho kwambara numero 8
Djabel Manishimwe yahawe numero 10 , 28 yajyaga yambara ihabwa murumuna we Tidjan
Tumushime Ally Tidjan, murumuna wa Djabel niwe wahawe numero 28
Sarpong Michael azajya yambara 19
Eric Irambona yagumanye numero 17
Mudeyi Suleiman azajya yambara 13
Donkor Prosper azajya yambara numero 8
Tuyishime Eric bakunda kwita Congolais yahawe numero 15
Caleb arakomeza kwambara 7
Abatoza nabo bashyikirijwe ibikoresho byabo
Manzi Thierry, kapiteni wa Rayon Sports yijeje abafana ko bo nk’abakinnyi bazakora ibishoboka byose bakegukana ibikombe bikinirwa mu Rwanda
King James niwe muhanzi wabimburiye abandi aririmba indirimbo ze zose zikunzwe cyane
Fan Clubs zose za Rayon Sports zahawe certificates yo kuzishimira...Paul Muvunyi , Perezida wa Rayon Sports na Paul Ruhamyambuga, Perezida w’icyubahiro wa Rayon Sports bishimira iyahawe Trust Supporters babarizwamo
Abayobozi ba Gikundiro Forever bishimira certificat bahawe hamwe na Perezida wa Rayon Sports...Uri hagati ni Muhire Jean Paul, umubitsi wa Rayon Sports akaba na Perezida wa Gikundiro Forever... I Buryo hari Fista Jean Damascene, Visi Perezida wa Gikundiro Forever Group
The Blue Winners bishimira Certificate yabo...Niyo Fan Club yabaye iya mbere mu gutanga amafaranga menshi yo kugura umukinnyi yakusanyijwe n’abafana
Uwari uhagarariye Skol yasobanuriye abari ibyerekeye Promotion yabo nshya bise Gikundiro
Uwari uhagarariye Airtel - Tigo yashishikarije abafana ba Rayon Sports kugura Packs za Rayon Sports kugira ngo barusheho guteza ikipe yabo imbere
Uwari uhagarariye Bonanza Ltd yavuze ko bavuye mu Bushinwa bazi neza ko Rayon Sports ari ikipe ikunzwe kandi ko bazi neza ko bahisemo neza mu gukorana nayo
Musangabatware Clement, umuvunyi mukuru wungirije niwe wari umushyitsi mukuru muri uyu muhango
Marc Rugenera, umuyobozi wa Radiant iheruka gusinyana amasezerano na Rayon Sports...Ni umwe mu bigeze kuba mu buyobozi bwa Rayon Sports mu myaka yo hambere
Paul Muvunyi yongeye gutangaza ko uyu mwaka bashaka ko nta kipe izabahagarara imbere
Senderi yavuze ko ashimishijwe no kumurikira abafana ba Rayon Sports nyuma y’imyaka 15 ishize abaririmbiye indi
Senderi yahawe ikote rya Rayon Sports
Safi Madiba abyinana n’abakinnyi ba Rayon Sports
Caleb abyinana na murumuna we
Nyandwi Saddam yagaragaje ko azi kubyina
Buri wese aho yari ari yacinyaga akadiho
Umutoza Robertinho niwe wiyambikiye Queen Cha ikote rya Rayon Sports
Robertinho yahise yerekana abafana ko atazi gutoza gusa ahubwo azi no gucinya akadiho
Ibirori byarushijeho kuryoha ubwo Se wa Queen Cha usanzwe ari umuganga wa Rayon Sports yamusanze imbere bagafatanya
Queen Cha byamurenze
Byari ibyishimo bisesuye kuva ku bayobozi kugera ku bafana
Inkuru irambuye n’andi mafoto ari kongerwa mu nkuru
Acee
Ooh rayon byari umuriro kbs ntayindi kipe yakora ibintu nkibi atari gikundiro
######
kbx ooorayon gd
Habimana
Ndashimira Abayobozi ba rayon sport. Mwayoboye abantu bajujura ngo nakera muyobora ntacyo mwagejeje ku ikipe? Ariko mukomeje kutwereka ubudasa kabisa? Mukomereze aho? Kandi ndasaba abakinnyi kuzajya bitanga mu kazi bakaduhesha agaciro nkatwe abafana. Uburyo dukunda ikipe ntabwo tuba dushaka gutsindwa.
Niyomugabo Philemon
wawoooooooo ayo namateka tukomeje kwandika Rayon sports komeza uduheshe agaciro natwe tukurinyuma nka bs fans
valens
Buriya ibyishimo birahenda, niba abantu babibona kubera equipe nukuri nubukire bafite hafi yabo... abantu bava inaha bakajya za italy, France nahandi heza nyaburanga , nyamara bakavayo batishimye! ni ikintu kiza rero kugira igishimisha umutima wawe nyamara utanatanze byishi!
umusomyi
Ko nta cyapa,nta photo cg certificat ya March Generation mbone aha ni ukuvuga ko itari ihagarariwe?
Manishimwe Jean Paul
Ooooh rayon!komerezaho pe!abayobozi barebe uburyo bazagura umwataka ubimariramo ukomeye
ahahaha
Ibintu byiza cyane . Umuco mwiza wo gushyushya urugamba abantu bishimana.
Ayandi makipi yo mu Rwanda narebereho nayo ashyushye urugamba.
Sport ni ibyishimo .
BRAVO BRAVO BRAVO RAYON SPORT
Mureston
Ibyo byishimo byaje kurangizwa na Mukura vs
Harya uyumwaka nta kipe izabahagarara imbere
Hhhhhhh
Hagenimana Eric
Njye Nishimiye Kubona Iyo Myenda Mishya Ya Gikundiro Fc Murakoze