Kuri uyu wa kabiri tariki 16 Kamena 2026, Hill Top Hotel na SK FM batangiye gahunda yihariye yo kugeza ku bakunzi b’umupira w’amaguru imikino y’igikombe cy’isi mu buryo bwihariye bwo kuyiberekera kuri ’screen’ ya rutura ndetse wogezwa n’ikipe y’abanyamakuru ba SK FM imbonankubone.
Ni gahunda bahereye ku mukino Ubufaransa bwatsinzemo Senegal 3-1. Ni gahunda ikomeza no kuri uyu wa gatatu aho abanyamakuru ba SK FM bari bwogeze umukino uhuza Portugal na RD Congo guhera saa moya z’ijoro.
Saa yine z’ijoro, iyi kipe ya SK FM irakomereza ku mukino uhuza Ubwongereza na Croatia. Kwinjira muri iyi mikino muri Hill Top ni ubuntu.
SK FM iri gukora gahunda bise SK FM World Cup yo kwegera abakunzi babo bakogeza iyi mikino imbonankubone.
Hill Top Hotel iherereye i Remera mu giporoso ku muhanda ugana ku kibuga cy’indege (Metero 100 uvuye kuri Feux rouge zo mu Giporoso).
Batanga serivisi nziza z’amacumbi, ibyumba by’inama, Restaurant na Bar, Gym na Piscine yo kogeramo ndetse na Sauna na Massage.
Ukeneye gukoresha Reservation uhamagara 0788541409.
Lorenzo na Shafi ubwo bari mu busesenguzi mbere y’umukino
Patrick NDP7 bahimba cyagezemo ntakimucika
Kazungu Claver na we anyuzamo akanyuriramo abari aho amateka benshi batazi, we yabonye mu myaka yo ha mbere
Sam Karenzi, washinze akaba ari n’umuyobozi wa SK FM yasesenguye uko umukino wari uri kugenda
Ricard akurikiye uko Senegal yanyagirwaga n’Ubufaransa
