Ikipe ya Gorilla FC yamaze gushyira hanze ibiciro by’umukino w’umunsi wa 10 wa Shampiyona izakiramo Rayon Sports.
Ni umukino uteganyijwe ku Cyumweru tariki 24 Ugushyingo 2024 guhera saa cyenda kuri Pele Stadium.
Kwinjira muri uyu mukino ni 3000 FRW ahasanzwe ku bazagura mbere mu gihe ku munsi w’umukino ari 5000 FRW. Ku bagura amatike mbere, ahatwikiriye ni 5000 FRW mu gihe ku munsi w’umukino azaba ari 7000 FRW.
Muri VIP abari kugura amatike mbere bari kwishyura 10.000 FRW mu gihe abazagura ku munsi w’umukino bazishyura 20.000 FRW. Muri VVIP ubu bari kwishyura 20.000 FRW naho ku munsi w’umukino ni 30.000 FRW.
Kugura itike ukanda *939# ugakurikiza amabwiriza.
Rayon Sports iyoboye urutonde rwa Shampiyona n’amanota 20 mu gihe Gorilla FC yo iri ku mwanya wa kabiri n’amanota 18.
Ibiciro Gorilla FC yashyize hanze
Urutonde rw’agateganyo
