Stephen Curry yigaragaje mu mukino wa gatandatu w’Imikino ya nyuma ya Shampiyona ya Basketball muri Amerika (NBA Finals), afasha Golden State Warriors gutsinda Boston Celtics amanota 103-90 no kwegukana Shampiyona ya NBA ku nshuro ya kane kuva mu 2015.
Curry utari wahiriwe mu mukino wa 5, we n’abarimo KlaycThompson na Draymond Green, bitwaye neza mu ijoro ryo kuri uyu wa Gatanu muri TD Garden, bafasha ikipe yabo kwegukana igikombe.
Ku giti cye, Curry yatsinze amanota 34, asama imipira irindwi yahushijwe n’abakinnyi ba Celtics mu gihe kandi yatanze imipira irindwi yavuyemo amanota kuri bagenzi be, byatumye ahembwa nk’Umukinnyi Mwiza wa NBA Finals (MVP) ku nshuro ye ya mbere.
