Gikundiro Forever yasuye myugariro Omar Gningue uheruka kubagwa igufa ryo mu maso (Zygomatic bone) yagiriyeho ikibazo mu mukino wa Kiyovu Sports tariki 2 Ugushyingo 2024 ndetse biba ngombwa ko abagwa.
Abagize Gikundiro Forever basuye Omar kuri uyu wa Gatatu tariki 27 Ugushyingo 2024. Mu rugo banahasanze bagenzi be babana barimo Fall Gagne, Khadime Ndiaye, Adama Bagayogo na Prisse Elenga Kanga.
Dr Norbert Uwiragiye uyobora Gikundiro Forever wari uyoboye abari bahagarariye abandi banyamuryango yavuze ko iki ari igikorwa basanzwe bakora kuko ngo abakinnyi aribo babaha ibyishimo bityo ko bagomba kubaba hafi mu bihe byose.
Omar yashimiye abagize Gikundiro Forever ku gikorwa bamukoreye ndetse aboneraho kubabwira ko ubu yamaze gutangira imyitozo yo ku ruhande nyuma y’ibyumweru 2 yari amaze abazwe igufa rya Zygomatic Bone.
Biteganyijwe ko azatangira gukorana imyitozo n’abandi tariki 2 Ukuboza 2024.
Mmyugariro Omar Gningue wari Kapiteni w’Ikipe ya As Pikine yo muri Sénégal yageze muri Rayon Sports muri Nyakanga uyu mwaka.
Zygomatic Bone (riri mu ibara), igufa ryo mu maso rya Omar ryari ryagize ikibazo ari naho yabazwe
Dr Uwiragiye Norbert, Perezida wa Gikundiro Forever
Saidati ushinzwe imibereho myiza muri Gikundiro Forever
Karera Moses, umunyamabanga Nshingwabikorwa wa Gikundiro Forever
Ngagne Fall, rutahizamu wa Rayon Sports na we yari ahari
Dr Hassan ushinzwe umuco na Siporo muri Gikundiro Forever
Babanje kurebana umukino w’amatsinda wahuzaga ASEC Mimosas yo muri Cote d’Ivoire na Jaraaf yo muri Senegal
Adama Bagayogo
Bamugeneye ubutumwa abandi banyamuryango bamutumyeho
Rutahizamu Prinsse Junior Elenga Kanga
Ntwariza , umunyamategeko wa Gikundiro Forever
