Mu buryo budasubirwaho , Gicumbi FC yasubiye mu Cyiciro cya Kabiri nyuma yo gutsindwa na Mukura VS igitego 1-0 kuri uyu wa Mbere.
Gicumbi FC yagumanye amanota 18 ndetse irushwa amanota umunani n’amakipe abiri ari imbere yayo mu gihe hasigaye imikino ibiri gusa.
Iyi kipe yo mu Majyaruguru imaze imikino 23 yikurikiranya itabona intsinzi.
Yasubiye mu Cyiciro cya Kabiri nyuma y’amezi umunani gusa izamutse.
Ni ubwa gatatu Gicumbi FC igiye gukina muri iki Cyiciro mu myaka 10 ishize.
Mu 2013, yazamutse mu Cyiciro cya Mbere, isubira mu Cyiciro cya Kabiri nyuma y’imyaka irindwi ubwo Shampiyona yasozwaga imburagihe kubera COVID-19.
Indi kipe izamanuka izava hagati ya Gorilla FC ifite amanota 29, Étoile de l’Est ifite amanota 27 na Rutsiro FC ifite amanota 26.
