Rutahizamu Gerard Bi Goua Gohou ukomoka muri Côte d’Ivoire yitabiriye imyitozo ya nyuma y’Ikipe y’Igihugu ‘Amavubi’ mbere yo gukina umukino wa gicuti u Rwanda ruhuramo na Guinée équatoriale kuri uyu wa Gatanu.
Mu rwego rwo kwitegura neza umunsi wa gatatu n’uwa kane mu mikino y’amatsinda yo gushaka itike ya CAN 2023, u Rwanda rwateguye imikino ibiri ya gicuti izabera muri Maroc muri uku kwezi.
Ikipe y’Igihugu iri kubarizwa i Casablanca, yaraye ikoze imyitozo ya nyuma yitabiriwe n’abarimo rutahizamu Gérard Gohou wahamagawe nyuma.
Uyu mukinnyi w’imyaka 33 asanzwe akinira FC Aktobe yo muri Kazakhstan ndetse yigeze gukorana n’umutoza w’Amavubi, Carlos Alós Ferrer, mu 2017 ubwo bari mu Ikipe ya FC Kairat muri Kazakhstan.
Ni umwe mu bakinnyi bashya bahamagawe mu Amavubi ku nshuro ya mbere.
Abandi bahamagawe bwa mbere bari muri Maroc barimo Ishimwe Gilbert wa Orebro muri Sweden, Hakim Sahabo wa Lille mu Bufaransa, Glen Habimana ukinira Victoria Rosports muri Luxembourg na Sven Kalisa ukinira Etzeila Etellbruck muri Luxembourg mu gihe Trey Ryan wa Standard Liège mu Bubiligi atitabiriye kubera ko yasanzwemo COVID-19.
Umukino w’Amavubi na Guinée équatoriale uteganyijwe kuri uyu wa Gatanu, tariki ya 23 Nzeri 2022, guhera saa Kumi n’ebyiri z’i Kigali.
Mugunga Yves mu myitozo
Bizimana Djihad ashoreye umupira
Gérard Gohou yakoranye n’abandi mu myitozo ya nyuma yabaye ku wa Gatanu
Gohou ategerejweho ibitego mu Amavubi
Umunyezamu Kimenyi Yves mu kirere akuramo umupira
Ntwari Fiacre azahanganira umwanya na Kimenyi
Omborenga Fitina
Mutsinzi Ange
Rubanguka Steve akurikiwe na Arsene na Sven Kalisa
Rafael York atera umupira
Ngwabije Bryan Clovis na Niyonzima Ally bakurikiye umupira
AMAFOTO: FERWAFA
