Ku rutonde ngarukakwezi rushya rwashyizwe hanze n’Ishyirahamwe ry’Umupira w’Amaguru ku Isi (FIFA), Brésil yakomeje kuba ku mwanya wa mbere, u Rwanda rwa 136 rutakaza amanota 2,12.
Kuri uyu wa Kane, tariki ya 23 Kamena 2022, ni bwo FIFA yashyize hanze uko amakipe y’ibihugu akurikirana nk’uko ibikora buri kwezi.
Uru rutonde rwa Kamena rwakozwe nyuma y’imikino mpuzamahanga 280 yabaye, yitabiriwe n’ibihugu 177 birimo n’u Rwanda rwanganyije na Mozambique igitego 1-1 mbere yo gutsindwa na Senegal 1-0.
Ikipe y’Igihugu ‘Amavubi’ yagumye ku mwanya wa 136 ariko itakaza amanota 2,12 kuko yavuye ku manota 1097,16 ikagira amanota 1095,04.
Ku rwego rw’Isi, Brésil yagumye ku mwanya wa mbere, ikurikiwe n’u Budage mu gihe Argentine yasubiye ku mwanya wa gatatu isimbuye u Bufaransa bitwaye nabi mu mikino ya UEFA Nations League.
Muri Afurika, Sénégal ikomeje gukora amateka ku mwanya wa mbere, yagize ku mwanya wa 18 ku Isi (mwiza mu mateka yayo nk’uko byagenze muri Gashyantare), ikurikiwe na Maroc ndetse na Tunisia yabaye iya gatatu.
Ibihugu 10 bya mbere ku Isi:
- 1.Brésil
- 2. Belgique
- 3. Argentine
- 4. France
- 5. Angleterre
- 6. Espagne
- 7. Italie
- 8. Pays-Bas
- 9. Portugal
- 10. Danemark
Ibihugu 20 bya mbere muri Afurika
- 1. Sénégal (18e ku Isi)
- 2. Maroc (22e)
- 3. Tunisie (30e)
- 4. Nigeria (31e)
- 5. Cameroun (38e)
- 6. Egypte (40e)
- 7. Algérie (41e)
- 8. Mali (46e)
- 9. Côte d’Ivoire (52e)
- 10. Burkina Faso (55e)
- 11. Ghana (60e)
- 12. Afrique du Sud (68e)
- 13. Cap-Vert (72e)
- 14. RD Congo (73e)
- 15. Gabon (79e)
- 16. Guinée (83e)
- 17. Zambie (88e)
- 18. Ouganda (90e)
- 19. Bénin (91e)
- 20. Guinée Equatoriale (98e)
