Kuri uyu wa kane tariki 27 Ugushyingo 2025 kuri Kigali Pele Stadium hasojwe amahugurwa y’Itsinda Eagle Company Ltd ry’abashinzwe umutekano wo ku bibuga (Stewards) bahawe na Komiseri muri FERWAFA ushinzwe umutekano n’imyitwarire myiza mu mikino, Bizimana Jonathan.
Ni amahugurwa yari amaze iminsi 2 kuko bayatangiye kuri uyu wa gatatu tariki 26 Ugushyingo 2025
Muri iyi minsi ibiri yabahuguye ku isomo ry’ubwirinzi n’umutekano mu mupira w’amaguru.
Yabasobanuriye imyitwarire ya kinyamwuga igomba kubaranga mbere y’umukino kugeza urangiye. Yanabibukije ko baba bakwiriye kugera ahazabera umukino mbere ho iminsi 4 kugira ngo batangire imyiteguro bagendeye ku kibuga uzaberaho.
Mu byo bagomba gusuzuma muri iyo minsi ine mbere ni ukureba niba hari amazi ahagije, ubwiherero, amashanyarazi cyangwa ibyayasimbura , ibizimya inkongi, aho umuntu ugize ikibazo yajyanwa ,ibikoresho byongera umwuka niba hakinze n’ibindi. Yunzemo ko kandi nk’umu Steward ugomba kumenya igihe igikorwa kizamara n’ibikoresho byose uzakenera no kuba wowe wiyizeye ko ako kazi koko uzagakora.
Mu bigomba kuranga umu Stewards mwiza, yababwiye ko ari ukuba acyeye, atanga amakuru asobanutse ku waje amugana ndetse yubahiriza amabwiriza y’akazi ke neza.
Bizimana Jonathan yababwiye ko iyo utakoze utakoze ubugenzuzi mbere y’uko igikorwa kiba uba wishyize mu kaga , kuko uzakora bitari ibya kandi bikakuviramo imikorere mibi hagati yawe nabo uribwakire ku buryo unatakaza akazi bidatinze . Yavuze ko bagomba guharanira ko ibirori bagiye gutangamo ubwo bwirinzi n’umutekano birangira mu mahoro.
Eagele S.C Company igizwe n’abanyamuryango bagera kuri magana atatu. Yashinzwe muri Kamena 2023.
Mu kiganiro n’umuyobozi wa Eagle S.C Company Ltd , Izere Valerie yatubwiye ko ajya kugira igitekerezo cyo kuyishinga yagikuye mu kazi n’ubundi yakoraga , aragakunda abona ko na we yanatanga umusanzu ku gihugu cye nk’umutegarugori kandi wagirira n’abandi akamaro.
Valerie yavuze ko bishimiye amahugurwa bahawe kuko ngo biyongereye ubumenyi bakaba bagiye gukora byisumuyeho mu bwuryo bwa kinyamwuga . Yashimiye Ishyirahamwe ry’umupira w’amaguru mu Rwanda, FERWAFA ku mahugurwa yabahaye ndetse ashimangira ko bazakomeza gukorana ubunararibonye mu kazi kabo.
Ni amahugurwa bahawe na Komiseri muri FERWAFA ushinzwe umutekano n’imyitwarire myiza mu mikino, Bizimana Jonathan (uri hagati)
Umuyobozi wa Eagle S.C Company Ltd , Izere Valerie
Nyuma yo gusoza aya mahugurwa, bahawe certificate







































































/B_ART_COM>