Cristiano Ronaldo ntari mu bakinnyi Manchester United izakoresha ihura na Chelsea ku wa Gatandatu muri Premier League nyuma y’uko yanze gusimbura ku wa Gatatu bakina na Tottenham.
Manchester United yaraye itsinze Tottenham ibitego 2-0 mu mukino w’Umunsi wa 10 wa Premier League.
Cristiano Ronaldo ntabwo yakinnye uyu mukino, ahubwo yahisemo gusohoka ku kibuga ku muota wa 89, yerekeza mu rwambariro.
Amakuru avuga ko uyu mukinnyi w’imyaka 37 atishimiye icyemezo cyo gushaka ko asimbura mu minota ya nyuma, ahitamo gutaha.
Nyuma y’umukino, umutoza Erik ten Hg utoza iyi kipe, yavuze ko ibijyanye na Cristiano Ronaldo azabyigaho kuri uyu wa Kane.
Uyu munsi, Manchester United yatangaje ko Ronaldo atari mu bakinnyi bazakina umukino wa Chelsea ku wa Gatandatu.
Iyi kipe yakomeje ivuga ko "abandi bakinnyi bose bameze neza bitegura uwo mukino".
Manchester United iri ku mwanya wa gatanu n’amanota 19, irushwa arimwe na Chelsea ya kane.
Ronaldo yakuwe mu bazakina umukino wa Chelsea nyuma y’uko yanze gusimbura ku wa Gatatu ahubwo agahitamo gutaha
