Kuri iki cyumweru tariki 5 Ugushyingo 2023, ikipe y’u Rwanda y’abatarengeje imyaka 15 yatsinzwe 3-0 na Zanzibar mu mukino wa mbere wa CECAFA y’abatarengeje iyo myaka, Umudage Michael Martin Wilhelm Fietzek wamenyekanye nka ’Mike La Galette’, akaba umukunzi w’Ikipe y’Igihugu “Amavubi” na APR FC aribukwa.
Hari mu mukino wabereye kuri FUFA technical centre i Njeru guhera saa sita n’igice zo muri Uganda (saa tanu n’igice ku isaha yo mu Rwanda).
Mbere y’umukino, habanje gufatwa umunota wo kwibuka Umudage Michael Martin Wilhelm Fietzek wamenyekanye nka ’Mike La Galette’, akaba umukunzi w’Ikipe y’Igihugu “Amavubi” na APR FC uheruka gutabaruka.
Uyu mugabo w’imyaka 79, yasezeweho bwa nyuma anashyingurwa ku wa Gatandatu, tariki 4 Ugushyingo 2023. Yatabarutse tariki 28 Ukwakira 2023 azize uburwayi.
Igitego cya mbere cya Zanzibar cyabonetse ku munota wa 12 gitsinzwe na Hassan Mwinyi. Cyari kivuye kuri coup franc yaturutse ku munyezamu w’Amavubi Nsengumuremyi Alfa wafatiye umupira inyuma y’urubuga rw’amahinda. Igice cya mbere cyarangiye bikiri 1-0.
Amavubi yakomeje gukina ashaka kwishyura ariko biza kuyaviramo gutsindwa ibitego 2 mu minota ya nyuma y’umukino: icya Mohammed Nassor ku munona wa 86 n’icya Lukman Omar ku munota wa 89.
Mu wundi mukino wo muri iri tsinda wakurikiyeho, Tanzania yatsinze Somalia 1-0.
Amavubi y’u Rwanda azagaruka mu kibuga ku wa gatatu tariki 8 Ugushyingo 2023 akina na Tanzania guhera saa cyenda n’igice (saa munani n’igice ku isaha yo mu Rwanda). Ni umukino uzabanzirizwa n’uwo Somalia izakinamo na Zanzibar.
Iri rushanwa ryatangiye tariki 4 Ugushyingo 2023, rizasozwa tariki 16 Ugushyingo 2023. Abemerewe kwitabira irushanwa ry’uyu mwaka ni abari hagati y’imyaka 11 na 15.
Abakinnyi b’Amavubi U15 ubwo bageraga kuri FUFA technical centre i Njeru
Habimana Sosthene, umutoza mukuru w’iyi kipe
Rene usanzwe ari umukozi ushinzwe ikoranabuhanga muri FERWAFA ni umwe mu baherekeje iyi kipe i Njeru muri Uganda
Abasifuzi b’abanyarwanda baje gusifura muri iri rushanwa bari baje gushyigikira ikipe y’iwabo
Abakinnyi b’Amavubi ubwo bajyaga kwishyushya
Bazatsinda Francis, umwe mu baganga (Physio) b’iyi kipe
I bumoso hari Nsabimana Jean Claude bahimba Bakusantiri, Team Manager w’Amavubi U15...i buryo hari Vedaste, komiseri ushinzwe amakipe y’igihugu muri FERWAFA ari na we waje akuriye ’delegation’ y’u Rwanda iri muri iri rushanwa
Tuyishime Habyarimana Jean De Dieu, na we ni umuganga muri iyi kipe
Abakinnyi ba Zanzibar U15 ubwo bishyushyaga
Abashinzwe gutegura iri rushanwa baba bareba ko buri kimwe cyose kiri ku murongo
Kabalisa Calliope, umutoza w’abanyezamu
I buryo hari Bisengimana Justin umutoza wungirije
Iradukunda Samuel, umuganga (Physio) muri iyi kipe
Jado Dukuze, umunyamakuru waherekeje iyi kipe y’u Rwanda
11 Zanzibar y’abatarengeje imyaka 15 yabanje mu kibuga
11 Amavubi y’abatarengeje imyaka 15 yabanje mu kibuga
Mbere y’umukino habanje gufatwa umunota wo kwibuka Michael Martin Wilhelm Fietzek wamenyekanye nka ’Mike La Galette’, akaba umukunzi w’Ikipe y’Igihugu “Amavubi” na APR FC uheruka ...Yaherekejezaga ikipe y’Amavubi aho yagiye gukina hanze hose ndetse akanashyigikira abafana babaga bayiherekeje
Hategekimana Abdouladhim wasatiraga aca ku ruhande
