Meca academy, ikipe yo mu gihugu cy’Uburundi yatsinze Eagles United 2-0 yegukana Orange Youth Cup igikombe cyahuzaga amakipe y’abakiri bato yiganjemo ayo mu Rwanda.
Hari mu mukino wa nyuma wahuje aya makipe yombi ubera kuri Stade ya Bugesera kuri uyu wa mbere tariki 4 Nzeli 2023.
Meca na Eagles zahuriya ku mukino wa nyuma mu. cyiciro cy’abatarengeje imyaka 18.
Meca niyo yegukanye iri rushanwa itsinze 2-0. Mu cyiciro cy’abatarengeje imyaka 15, United Eagles niyo yaryegukanye itsinze Love for Hope 2-1.
Orange Youth Cup yabaga ku nshuro ya mbere. Yatangiye tariki 22 Kanama 2023 isozwa kuri uyu wa mbere tarikk 3 Nzeri 20223.
Yateguwe na Play for Hope ari nayo ibarizwamo ikipe ya Heroes FC. Ryari mu byiciro bibiri. Abatarengeje imyaka 15 n’abatarengeje imyaka 18.
Mu batarengeje imyaka 15 hitabiriye amakipe 9 harimo 7 yo mu karere ka Bugesera (Skyline, Trinity, Nyamata stars, Super power, Rapide, Muyange na Love for hope) andi ni 2 yo mu Mujyi wa Kigali mu karere ka Kicukiro (United Eagles, Dominators)
Mu batarengeje imyaka 18 hitabiriye amakipe 10:harimo 6 yo mu karere ka Bugesera (Skyline, Trinity,
Nyamata stars, Super power, Muyange na Love for hope), 2 yo muri Kigali mu karere ka Kicukiro
(United Eagles, Dominators) hamwe na Meca Academy yo mu Burundi.
Kanamugire Fidele uyobora Play for Hope akaba n’umuyobozi wa Heroes FC yavuze ko bateguye iri rushanwa ngo abana barusheho kubona amarushanwa muri iki gihe cy’ibiruhuko ndetse ngo rizaba ngarukamwaka, aho hazajya hanatumirwamo amakipe yo mu bihugu duturanye.
Ibihembo byahawe abakinnyi ku giti cyabo, mu cyiciro cy’abatarengeje imyaka 15 ni Niyonkuru Irénée watsinze ibitego byinshi (4) wa United Eagles naho umunyezamu mwiza aba Ndagijimana Jean Pierre wa Skyline FA.
Mu batarengeje imyaka 18 hahembwe Rukundo Amissi wa Meca Academy watsinze ibitego 4, Nzabonimpa Ally na we wa Meca ahembwa nk’umunyezamu mwiza.
Love for Hope yatsindiwe ku mukino wa nyuma mu batrengeje imyaka 15
United Eagles yegukanye igikombe mu batarengeje imyaka 15
United Eagles yageze ku mukino wa nyuma mu batarengeje imyaka 18
Meca academy yo mu Burundi yitwaye neza cyane muri aya marushanwa inegukana igikombe mu batarengeje imyaka 18
Komiseri ushinzwe Tekiniki n’Iterambere ry’Umupira w’Amaguru muri FERWAFA, Habimana Hamdan niwe wari uhagarariye FERWAFA
Perezida wa Intare FC, Gatibito Byabuze
Kanamugire Fidele uyobora Play for Hope akaba n’umuyobozi wa Heroes FC
Umuyobozi wa Meca academy
Jean De Dieu Kagimbura uhagarariye inyungu z’abakinnyi batandukanye mu Rwanda ndetse n’abandi 5 yajyanye gukina i Dubai
Rurangirwa Louis ,Komiseri ushinzwe Umutekano n’Imyitwarire myiza mu mukino muri FERWAFA
Abakobwa bo muri Urumuli Protocol nibo bakoze mu isozwa ry’aya marushanwa
PHOTO:RENZAHO CHRISTOPHE
