ASAS Djibouti Télécom igomba gukina na AS Kigali mu ijonjora rya kabiri rya CAF Confederation Cup ya 2022/23 yaraye igeze mu Rwanda.
Mu rukerera rwo kuri uyu Gatanu, ku isaha ya saa saba nibwo iyi kipe yageze ku kibuga mpuzamahanga cya Kigali i Kanombe. Yazanye abantu 27 harimo abakinnyi 19.
Ni umukino uteganyijwe kuba ku Cyumweru tariki 18 Nzeri 2022 kuri Stade ya Huye.
Amakuru RwandaMagazine yamenye ni uko mu myanya isanzwe idakwikiriye hamaze kugurwa amatike angana na 70%, bivuze ko imyanya isigaye ingana na 30%.
Abazinjirira ubuntu biyandikisha banyuze kuri *939# ndetse ni bwo buryo bukoreshwa n’abagura amatike ya VIP agura ibihumbi 10 Frw.
Ku munsi w’umukino, hazaba kandi hari ibyo kurya no kunywa muri Stade Huye.
Umukino ubanza wabereye muri Djibouti ku wa Gatandatu, tariki ya 10 Nzeri 2022, warangiye amakipe yombi anganyije ubusa ku busa.
Mu gihe AS Kigali izaba ibashije kwitwara neza mu mukino wo kwishyura ikaba yasezerera ASAS, yazahura na A Nasry yo mu Misiri mu ijonjora rya kabiri.
Nshimiye Joseph wari waje kubakira, aha ikaze Perezida w’iyi kipe waje ayoboye abasore be
Abarundi babiri bakina muri ASAS Djibouti : I bumoso hari Kaze Gilbert naho i buryo ni Manirakiza Haruna ari na we capitaine w’iyi kipe
