Ikipe y’Ikigo cy’igihugu gishinzwe abinjira n’abasohoka (Immigration) yatsinze iya Rwandair FC 1-0 mu mukino wo mu itsinda wo ku munsi wa gatatu mu mikino yo kwishyura muri Shampiyona y’abakozi,ARPST Championship.
Ni umukino wabaye ku wa Gatanu tariki 25 Ukwakira 2024 kuri Kigali Pele Stadium guhera saa kumi z’umugoroba.
Niyitegeka Olivier bahimba Kemo niwe watsinze igitego cyahesheje amanota 3 Immigration FC.
Gutsinda uyu mukino byatumye Immigration ikomeza kuyobora itsinda n’amanota 18. Rwandair yagumye ku mwanya wa kabiri n’amanota 15.
Mu mukino ubanza nabwo Immigration yari yatsinze Rwandair 2-1.
Indi mikino yabaye mu mupira w’amaguru, yasize Akagera gatsinze Ubumwe Grande Hotel ibitego 2-1, RAB yatsinze CHUB igitego 1-0, BK yo yanganyije na SKOL ibitego 2-2 mu gihe REG yatsinze Wasac ibitego 2-0.
Muri Basketball ho, Stecol yatsinze Call Center International ibitego 69-34, Equity Bank yo yatsinze IHS ibitego 61-60 mu gihe REG yatsinze RMS ibitego 68-58. Muri Volleyball, REG yatsinze BK amaseti 3-1, Wasac y’Abari n’Abategarugori yatsinzwe na RBC y’Abari n’Abategarugori amaseti 3-0 mu gihe Minisiteri y’Ingabo mu cyiciro cy’Abari n’Abategarugori, yatsinze REG muri iki cyiciro amaseti 3-0.
Imikino yindi yo kwishyura, izakomeza mu mpera z’iki Cyumweru guhera ku wa Gatanu tariki ya 1 Ugushyingo 2024.
11 Rwandair yabanje mu kibuga
11 Immigration yabanje mu kibuga
Rwandair yashakaga kwihimura kuko umukino ubanza nabwo bari bawutsinzwe 2-1
Museveni Robert utoza Rwandair asoma umukino
Dieudonné utoza Immigration FC
Abayobozi ba ARPST bakurikiye uyu mukino uba ari ishiraniro
Mpamo Thierry Tigos uyobora ARPST
Niyitegeka Olivier bahimba Kemo niwe watsinze igitego cyahesheje amanota 3 Immigration FC
Umupira si intambara....abatoza bombi bahoberana nyuma y’umukino
/B_ART_COM>