Kuwa Gatandatu tariki 2 Nzeli 2023, ikipe ya Musanze FC yatsinze Sunrise FC 2-1 mu mukino w’umunsi wa gatatu wa Shampiyona ikomeza kuyobora urutonde rwa Shampiyona.
Musanze FC yafunguye amazamu ku munota wa gatatu ku gitego cyatsinzwe na Sulley. Sunrise FC yacyushyuye ku munota wa 59 gitsinzwe na Habamahoro Vincent.
Musanze FC yabonye igitego cy’intsinzi ku munota wa 90 gitsinzwe na Muhire Anicet bahimba Gasongo.
Musanze FC yahise igira amanota icyenda ku icyenda ikomeza kuyobora urutonde rwa Shampiyona. Gasogi United ifite amanota 6 niyo iri ku mwanya wa kabiri inganya na APR FC ariko iyo ikaba ifite ikirarane na Marine FC.
