RRA VC na APR VC zihagarariye u Rwanda mu mikino Nyafurika ihuza amakipe yabaye aya mbere iwayo mu bagore "African Women’s Volleyball Club Championship 2022", zitwaye neza zitsinda imikino y’umunsi wa mbere.
Ku munsi wa mbere w’iyi mikino y’Afurika yabaye ku Cyumweru, tariki 22 Gicurasi 2022, RRA VC yatsinze VC La Loi yo muri Repubulika Iharanira Demokarasi ya Congo amaseti 3-0 (26-24,25-21 na 25-18).
APR VC yo yatsinze ikipe ya National Alcohol and Liquor yo muri Ethiopia amaseti 3-0 (25-20, 25-19 na 25-16).
Imikino y’amajonjora irakomeza kuri uyu wa Mbere, tariki 23 Gicurasi 2022, aho APR VC ikina na Nigeria Customs yo muri Nigeria saa Cyenda naho RRA VC ikine na FAP yo muri Cameroun saa Moya z’umugoroba.
RRA VC iri mu itsinda A hamwe na Club Olympique de Kelibia (Tunisia), VC La Loi (RDC) na FAP (Cameroun) naho APR VC iri mu itsinda C hamwe na Prisons(Kenya) , National Alcohol and Liquor (Ethiopia) na Nigeria Customs Service yo muri Nigeria.
Iri rushanwa ryitabiriwe b’amakipe umunani, rizasozwa tariki ya 1 Kamena 2022.
Ni ubwa mbere APR VC iryitabiriye kuva mu 2017 mu gihe RRA VC yabaye iya gatanu mu 2018.
