APR FC yatsinze Kiyovu Sports ibitego 2-1 iguma ku mwanya wa kabiri n’amanota 34. Iyi kipe irarushwa na Rayon Sports amanota abiri mbere y’uko ihura na Musanze kuri iki Cyumweru tariki 9 Gashyantare 2025.
Ni umukino wabereye kuri Kigali Pele Stadium guhera saa kumi n’ebyiri z’umugoroba.
Ikipe ya APR FC ntiratakaza umukino w’umunsi wa 16 wa Shampiyona guhera muri 2016 ndetse ntiratsindwa na Kiyovu Sports mu mikino itanu baheruka guhuriramo.
Umukino ubanza hagati y’aya makipe yombi warangiye APR FC inyagiye Kiyovu SPorts ibitego 3-0 ari na wo wabonetsemo ikinyuranyo cy’ibitego byinshi kuri iyi kipe y’ingabo z’igihugu
Denis Omedi watsinze ibitego bibiri bya APR FC yigaragaje cyane . Ouatarra Djibril na we uri mu bakinnyi bashya yagaragaje ko ari umukinnyi uzatanga akazi gakomeye kuri ba myugariro.
Iminota mike Mamadou Sy yakinnye yakoze byinshi, ni nyuma yo kuvugwaho n’umutoza ko yagiye atsindisha iyi kipe.
Inkuru irambuye ni mu nkuru zacu zitaha
