APR FC yasezerewe itarenze ijonjora rya mbere rya CAF Champions League nyuma yo gutsindwa ibitego 3-0 na US Monastir muri Tunisia mu mukino wabereye kuri Stade ya Moustapha Ben Jannet yakira abantu ibihumbi 20,000.
Ikipe ya APR mu gice cya mbere, US Monastir nta gahenge yayihaye dore ko umukino ubwo wari ugeze ku munota wa 5′ yahise ifungura amazamu ku gitego cyatsinzwe na Ziad El-Alwi, yishyura icyo batsindiwe i Huye.
Ku munota wa 28 Hossam Taqa wa US Monastir yashyizemo igitego cya kabiri, Kugeza ubwo APR Fc yari ihise itakaza itike yo gukomeza mu kiciro gikurikiraho kuko yasabwaga gutsinda igitego 1 gusa cyo hanze ubundi ikaza gukomeza gusa ntabwo byakunze.
Mu gice cya kabiri ikipe ya Monastir yaje ikomeza kwataka ikipe ya APR Fc, ku munota wa 68 yabonye igitego cya 3 cyatsinzwe na Omarou ndetse umukino uza kurangira uko. Ikipe ya APR Fc ihita isezererwa mu mikino ya CAF Champions league mu ijonjora rya mbere.
Mu mikino yombi, ikipe ya US Monastir yakomeje ku giteranyo cy’ibitego 3 kuri 1 ndetse izahura na Al Ahly yo mu Misiri mu ijonjora rya kabiri rizakinwa mu Ukwakira.
Amafoto: US Monastir
