Rayon Sports yatsinze Bugesera FC ibitego 2-0 mu mukino w’Umunsi wa 26 wa Shampiyona waberaga mu Bugesera.
Hari mu mukino w’umunsi wa 26 wa Shampiyona wabereye kuri Stade ya Bugesera kuri iki cyumweru tariki 16 Mata 2023.
Mbere y’uyu mukino, Bugesera FC yari ku mwanya wa 11 n’amanota 28 naho Rayon Sports iri ku mwanya wa gatatu n’amanota 46, irushwa amanota arindwi na APR FC ndetse na Kiyovu Sports ziyoboye urutonde.
Onana niwe wafunguye amazamu, ikindi gitego gitsindwa na Musa Esenu.
Gutsinda uyu mukino biratuma Rayon Sports izisatira kuko hasigaramo amanota ane gusa.
Rayon Sports igize amanota 49 ku mwanya wa gatatu, irushwa ane n’amakipe ya APR FC na Kiyovu Sports ziyoboye Shampiyona.
Mu yindi mikino yabaye kuri iki Cyumweru, Marines FC yatsindiye Mukura VS i Huye igitego 1-0 naho Espoir FC itsinda Sunrise FC igitego 1-0.
Urutonde rw’agateganyo
Ojera wakunze kuzonga abakinnyi ba Bugesera ariko ntiyakina igice cya kabiri kubera imvune
Uko igitego cya mbere cya Rayon Sports cyinjiye mu izamu
Shaolin yagiye akuramo indi mipira yabazwemo ibitego
Bugesera yari yakiriye uyu mukino yinjirije abana ku buntu
Ishoti Esenu yateye yinjiza igitego cya kabiri
NIBA URI I MUSANZE MU MUJYI, NTURARE UTANYARUKIYE MURI GOGO FASHION BOUTIQUE , IDUKA RIHEREREYE MU IBERESHI RYA II UTARAGERA KU MUSIGITI, ICURUZA IMYAMBARO ITANDUKANYE IRIMO IY’ABAGABO N’ABAGORE NDETSE N’URUBYIRUKO
KANDA HANO UREBE IMYAMBARO Y’AMOKO YOSE BAGUFITIYE
PHOTO:RENZAHO CHRISTOPHE
