Ikipe y’Igihugu y’Abatarengeje imyaka 23 yasuye Mukanemeye Madeleine wo mu Karere ka Huye, uzwi ho gushyigikira amakipe akinira kuri Stade Huye by’umwihariko Mukura Victory Sports.
Kuri uyu wa Kabiri ni bwo abakinnyi n’abandi bagize Amavubi U23 bamusuye iwe i Munazi, mu Murenge wa Save mu Karere ka Gisagara, aho abana na mwisengeneza we na we umaze gukura kuko afite imyaka 60. We ntiyigeze abyara, icyakora hari abana yareze bakiriho.
Amavubi U23 yamuhaye umwambaro w’Ikipe y’Igihugu, ikoti ry’imvura, ibahasha n’ibiribwa.
Mukanemeye, bamwe bamwita ‘Umukecuru wa Mukura’, abandi bakamwita ‘Mama Mukura’ kubera ko ari umufana uzwi w’iyi kipe y’umupira w’amaguru yo mu Karere ka Huye.
Amavubi U23 amaze iminsi itanu yitegura umukino ubanza azahuramo na Mali y’abatarengeje iyo myaka mu ijonjora rya kabiri ryo gushaka itike y’Igikombe cya Afurika kizaba mu 2023.
Umukino uteganyijwe tariki ya 22 Ukwakira i Huye mu gihe uwo kwishyura uzabera i Bamako ku wa 29 Ukwakira 2022.
Ubwo Amavubi yakuragamo Libya, Madeleine yari yaje kubashyigikira
