Muhire Kevin wa Rayon Sports yahigitse Ruboneka Bosco wa APR FC na Ani Elijah wa Police FC maze yegukana igihembo cy’umukinnyi witwaye neza muri 2023-24.
Ni ibihembo byatanzwe kuri uyu wa Gatanu tariki ya 9 Kanama 2024 ku bufatanye na Gorilla Games na Shampiyona y’icyiciro cya mbere mu Rwanda (Rwanda Premier League).
Ibi bihembo bikaba byatanzwe hahembwe intoranywa muri zahize abandi muri shampiyona ya 2023-24 mu byiciro bitandukanye.
Muri rusange Shampiyona y’icyiciro cya mbere mu Rwanda na Gorilla Games bazahemba ibyiciro 17, birimo abatoza, abakinnyi n’abanyamakuru bahize abandi mu mwaka w’imikino wa 2023-24.
Gutora byakorewe kuri website ya Gorilla Games aho amajwi yari afite 10%, ku mbuga nkoranyambaga za Rwanda Premier League na Gorilla Games na yo yari afite 10% ni mu gihe akanama nkemurampaka kari gafite 80%.
Abatsinze ibitego byinshi
Aha ho nta matora yabaye kuko Ani Elijah wa kiniraga Bugesera FC ubu akaba ari muri Police FC na Victor Mbaoma wa APR FC bombi batsinze ibitego 15 muri shampiyona akaba ari bo batsinze ibitego byinshi. Buri umwe yahawe igikombe ariko ariko igihembo cya miliyoni 3 z’amafaranga y’u Rwanda bakiganye buri umwe ahabwa miliyoni n’igice.
Umutoza w’umwaka
Thierry Froger wa APR FC wegukanye shampiyona adatsinzwe, ni we wagitwaye ahigitse Sosthene Habimana wa Musanze FC na Ahfamia Lofti wa Mukura VS
Umukinnyi w’umwaka
Jean Bosco Ruboneka wa APR FC na Ani Elijah wa Bugesera FC batsinzwe na Muhire Kevin wa Rayon Sports wabaye umukinnyi w’umwaka.
Umunyezamu w’umwaka
Pavelh Ndzila wa APR FC ni we wegukanye iki gihembo ahigitse Nicolas Ssebwato wa Mukura VS na Nzeyurwanda Djihad wa Kiyovu Sports.
Umukinnyi mwiza ukiri muto (harebwe abari munsi y’imyaka 21)
Iki gihembo cyegukanywe na Elie Iradukunda (2006) wa Mukura VS, yari ahanganye na Pascal Iradukunda (2005) wa Rayon Sports na Daniel Muhoza (2006) wa Etoile del’Est.
Igitego cy’umwaka
Igitego Arsene Tuyisenge wa APR FC wakiniraga Rayon Sports yatsinze Muhazi United ni cyo cyegukanye igihembo. Yahigitse icya Muhoza Daniel / Etoile del’Est (Etoile del’EST vs Marines) n’icya Ishimwe Jean Rene (APR FC vs Marines)
Hatowe kandi ikipe y’umwaka y’intoranywa za Shampiyona ya 2023/24 ari zo Umunyezamu Pavelh Ndzila wa APR FC, ba myugariro Kubwimana Cédric wakiniraga muri Mukura VS [werekeje Muhazi United], Ishimwe Christian wakiniraga APR FC werekeje muri Police FC, Niyigena Clément wa APR FC na Shafiq Bakaki wa Musanze FC.
Abakina hagati ni Ruboneka Jean Bosco wa APR FC, Muhire Kevin wa Rayon Sports, Rukundo Abdulrahman wakiniraga Amagaju FC werekeje muri Rayon Sports na Muhadjiri Hakizimana wa Police FC mu gihe ba rutahizamu ari Ani Elijah wakiniraga Bugesera FC werekeje muri Police FC na Victor Mbaoma wa APR FC.
Igihembo cy’icyiciro cy’umusifuzi w’umwaka cyatoranyijwe na Komisiyo y’Imisifurire y’Ishyirahamwe ry’Umupira w’amaguru mu Rwanda (FERWAFA) cyegukanywe n’Umusifuzi Mpuzamahanga, Ruzindana Nsoro.
Umunyamakuru w’umwaka w’umugabo yabaye Sam Karenzi wa Fine FM. Yahigitse Reagan Rugaju (RBA)
Ephrem Kayiranga (Ishusho TV) Claude Hitimana (Radio10) Aime Niyibizi (Fine FM) Thierry Kayishema (RBA)
Jean Luc Imfurayacu (B&B Kigali FM) na Rugangura Axel (RBA)
Umunyamakuru w’umwaka w’umugore yabaye Rigoga Ruth wa RBA. Yahigitse
Adelaide Ishimwe (TV10).
Ikiganiro cya Radio cy’umwaka ni Urubuga rw’Imikino cya RBA. Cyahigitse Urukiko (Radio10)
Urukiko rw’Ubujurire (Fine FM) na Sports Plateau (B&B FM)
Ikiganiro cya televiziyo cy’umwaka cyabaye Kickoff ya RBA, Yahigitse Bench ya Siporo (Isibo TV), Zoom Sports (TV10) na I Sports (Ishusho TV)
Ikinyamakuru cyandika cy’umwaka cyabaye Igihe.com. Cyahigitse Inyarwanda, Rwandamagazine, Isimbi na The New Times.
Ikipe y’umwaka wa 2023/24 muri Rwanda Premier League igizwe na Pavelh Ndzila, Kubwimana Cedric, Christian Ishimwe, Shafik Bakaki, Clement Niyigena, Abdul Rahman Rukundo, Ruboneka Bosco, Muhire Kevin, Hakizimana Muhadjiri, Ani Elijah na Victor Mbaoma.
